Farið er dýpra í dýrafrumur en gert var í áfanganum LÍFF2LM05. Fjallað er m.a. um frumuskiptingar og tengingu við krabbamein, æxlunarfæri karla og kvenna og starfsemi þeirra. Farið er í helstu kynsjúkdóma og varnir gegn þeim, æxlun, fósturþroskun, fæðingu og þroskun eftir fæðingu.
LÍFF2LM05
Nemandi skal hafa öðlast þekkingu og skilning á:
vísindalegum vinnubrögðum
byggingu, starfsemi og skiptingu dýrafrumna
myndun krabbameina
helstu kynsjúkdómum, smitleiðum og vörnum gegn þeim
byggingu æxlunarfæra mannsins
myndun okfrumu og fósturþroskun í grófum dráttum
ferlum barnsfæðingar í grófum dráttum
þroskun mannslíkamans frá fæðingu til dauða í grófum dráttum
Nemandi skal hafa öðlast leikni í að:
skoða smásjársýni
framkvæma einfaldar rannsóknir með vísindalegum vinnubrögðum
skrifa skýrslur og túlka niðurstöður rannsókna
lesa vísindagreinar og fræðibækur og nýta upplýsingatækni sér til gagns
Nemandi skal geta hagnýtt þá almennu þekkingu og leikni sem hann hefur aflað sér til að:
fjalla með viðeigandi orðaforða og skilningi um þetta mikilvæga málefni sem alla varðar
taka upplýstar ákvarðanir varðandi kynlíf og barnseignir
mynda sér skoðun á mikilvægi heilbrigðs kynlífs
yfirfæra þessa vísindalegu þekkingu og leikni á aðrar námsgreinar