Meginviðfangsefnin eru algebra (bókstafareikningur), Evklíðsk rúmfræði í sléttu (flatarrúmfræði) og hnitarúmfræði (tvívítt hnitakerfi, jafna beinnar línu). Einnig nýting á forritinu GeoGebra.
Efnisatriði eru: forgangsröð reikniaðgerða, liðun og þáttun, heil veldi og ferningsrætur, jöfnur, hlutföll og prósentur, vextir, inngangur að rúmfræði, marghyrningar, hornaföll, flatarmál, horn við hring, rúmmál, talnalínan og hnitakerfið.
Engar
Nemandi skal hafa öðlast þekkingu og skilning á:
forgangsröð reikniaðgerða
einföldun, liðun og þáttun algebrustæða
veldareglum
veldisrithætti (staðalformi tölu)
notkun tákna fyrir breytistærðir
jöfnum af fyrsta og öðru stigi og einföldum jöfnuhneppum
hlutfallshugtakinu, prósentum og vaxtareikningi
frumhugtökum rúmfræðinnar
frumsendum um samsíða línur og um einshyrnda þríhyrninga
Pyþagorasarreglu og hornaföllum í rétthyrndum þríhyrningum
flatarmálum grunnforma (rétthyrnings, samsíðungs, þríhyrnings , trapisu og hrings)
hornum við hring
rúmmálum grunnforma (kassa, sívalnings, pýramíða, keilu og kúlu)
talnalínunni og tvívíða hnitakerfinu
miðpunkti striks og fjarlægð milli tveggja punkta í hnitakerfi
gildistöflu og eiginleikum beinnar línu
Nemandi skal hafa öðlast leikni í að:
nota reiknireglur til þess að reikna gildi stæða
stytta brot og einfalda stæður með veldum og rótum
leysa fyrsta stigs jöfnur og jöfnuhneppi
setja upp og leysa verkefni er snúa að vaxtareikningi
nýta hlutföll einshyrnda þríhyrninga
nýta hornaföll í rétthyrndum þríhyrningum
teikna og lýsa eiginleikum lína í hnitakerfi
reikna fjarlægðir í hnitakerfi
nýta reiknivélar til fulls
nýta forritið GeoGebra til að teikna og skýra stærðfræðileg fyrirbæri
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
átta sig á tengslum ólíkra aðferða við framsetningu stærðfræðilegra hugmynda og viðfangsefna
geta fylgt og skilið röksemdir og röksamhengi í mæltu máli og texta
beita skipulegum aðferðum við að leysa úr viðfangsefnum og þrautum til dæmis með því að setja upp jöfnur
takast á við stærðfræðileg verkefni með opnum og jákvæðum huga.
skilja merkingu og tengsl hugtaka í námsefninu og vinna með þau
Nokkrar formlegar kannanir á önn eru grunnur að símati. Lokapróf.