Mengi, annars stigs jöfnur, brot, margliður og hnitarúmfræði
Samþykkt af skóla
2
5
Meginviðfangsefnin eru mengi, brot, annars stigs jöfnur/ójöfnur, margliður og hnitarúmfræði. Einnig nýting á forritinu GeoGebra.
Efnisatriði eru: mengjareikningur, talnareikningur, bókstafareikningur, annars stigs jöfnur/ójöfnur, veldi/rætur, margliður og hnitarúmfræði
STÆR2AR05
Nemandi skal hafa öðlast þekkingu og skilning á:
helstu mengjahugtökum, talnamengjum og mengjaaðgerðum og ritun mengja
frumtölum og brotareikningi
annars stigs jöfnum, algildisjöfnum og ójöfnum
heilum/brotnum veldum og rótum
deilingu margliða, þáttun margliða, að finna núllstöðvar og formerki margliða
gröfum í hnitakerfi svo sem línu og fleygboga og að finna skurðpunkta þeirra
gröfum ójafna
Nemandi skal hafa öðlast leikni í að:
beita mengjaaðgerðum
reikna með almennum brotum, skrifa texta verkefnis sem jöfnu eða jöfnuhneppi, leysa fyrsta og annars stigs jöfnur
beita veldareglum
beita margliðudeilingu, þáttun margliða og að lýsa formerki margliða
handteikna línur og fleygboga í hnitakerfi
finna skurðpunkta ferla með algebrulausnum
nýta reiknivélar til fulls
nýta forritið GeoGebra til að teikna og skýra stærðfræðileg fyrirbæri
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
átta sig á tengslum ólíkra aðferða við framsetningu stærðfræðilegra hugmynda og viðfangsefna
geta fylgt og skilið röksemdir og röksamhengi í mæltu máli og texta
beita skipulegum aðferðum við að leysa úr viðfangsefnum og þrautum, s. s. út frá þekkingu á lausnum svipaðra þrauta, unnið til baka frá þekktum stærðum eða með því að setja upp jöfnur
takast á við stærðfræðileg verkefni með opnum og jákvæðum huga
skilja merkingu og tengsl hugtaka í námsefninu og vinna með þau
Nokkrar formlegar kannanir á önn eru grunnur að símati.
Lokapróf.