Nemendur gera verkefni til að þjálfa hæfni sína og skilning í formfræði og litafræði. Í formfræði kanna þeir lögmál klassískrar myndbyggingar og hugtök á borð við frumform, jafnvægi, spennu, endurtekningu, hlutbundin og óhlutbundin form, mynstur og merkingu. Í litafræði rannsaka nemendur efnis- og ljósblöndun lita, heita liti og kalda, andstæðuliti, sálræn áhrif lita, merkingu þeirra og fleira. Lögð er áhersla á að nemendur kanni áhrif lita, forma og myndbyggingar í myndlist og hvernig þeir geta nýtt sér þekkingu sína og þjálfun á ólíkum sviðum lista og hönnunar.
SJLI1TE05 (SJL1A05)
Nemandi skal hafa öðlast þekkingu og skilning á:
hlutbundnum formum og óhlutbundnum.
klassískum lögmálum myndbyggingar.
hugtökum eins og jafnvægi, spennu, endurtekningu og rytma í myndbyggingu og formfræði.
litablöndun og muninum á ljósblöndun og efnisblöndun lita.
sálrænum áhrifum lita.
hlutverki lita- og formfræði í allri listsköpun.
litahringnum; frumlitum, annars stigs litum, andstæðulitum og heitum og köldum litum.
litakerfum tölva og litaprentun.
Nemandi skal hafa öðlast leikni í að:
byggja upp mynd með aðferðum klassískrar myndbygginar.
raða saman formum m.t.t. myndbyggingar og sálrænna áhrifa af samspili þeirra í myndfletinum.
blanda liti með efnisblöndun á markvissan hátt.
velja liti í markvissum tilgangi.
breyta mettun og birtustigi lita í tölvum.
Nemandi skal geta hagnýtt þá almennu þekkingu og leikni sem hann hefur aflað sér til að:
vinna markvisst með liti og form við gerð eigin myndverka. Námsmat: verkefnamat.
miðla sértækri merkingu með þekkingu sinni í lita- og formfræði. Námsmat: verkefnamat.
greina sjónræna merkingu með tilliti til lita- og fromfræði á ýmsum sviðum lista og hönnunar. Námsmat: verkefnamat.
tjá sig um litanotkun, myndbyggingu og formfræði í eigin verkum og annarra. Námsmat: verkefnamat, frammistöðumat.
Leiðsagnarmat, frammistöðumat, verkefnamat og sjálfsmat.