Það kom upp villa senda inn  Áfangi

    Áfangi Nánari upplýsingar


    Búið til: 1425813280.02

    Leikhús
    LEIK1LH05
    4
    leiklist
    þátttaka í uppsetningu leiksýningar
    Samþykkt af skóla
    1
    5
    Nemendur kynnast margvíslegum verkefnum sem tengjast uppsetningu leiksýningar. Í upphafi áfangans velja nemendur sér deild til að vinna í en allar deildir hafa það að markmiði að setja upp leiksýningu. Deildirnar geta verið eftirfarandi: Sviðsmynd og leikmunir, búningar, förðun og leikhúsliðar. Nemendur kynnast þeim verkefnum sem þarf að inna af hendi til að gera leiksýningu að veruleika. Áfanganum lýkur með leiksýningu sem sýnd er í nokkur skipti. Sérstök áhersla er lögð á gildi forvarna í víðu samhengi s.s. gegn vímuefnum og félagslegri einangrun.
    Nemandi skal hafa öðlast þekkingu og skilning á:
    • ýmsum störfum sem fara fram innan leikhúss.
    • mismunandi hlutverki hverrar leikhúsdeildar.
    • verkferli deildar sem nemandi velur sér, allt frá grunnhugmynd að fullunnu verki og því hvernig öll verkin eru hluti af leiksýningu.
    • því hvað þarf til þess að gera leiksýningu að raunveruleika, allt frá hugmyndavinnu, í gegnum framkvæmd ýmissa verkefna, til fullgerðar leiksýningar.
    Nemandi skal hafa öðlast leikni í að:
    • finna lausnir sem henta deild viðkomandi nemenda á vandamálum sem kunna að koma upp.
    • vinna náið með öðrum nemendum að því að setja upp leiksýningu.
    • axla ábyrgð á þeim verkefnum sem lögð eru fyrir hann.
    • tjá hugmyndir sínar fyrir framan hóp fólks og framkvæma þær með hópnum.
    Nemandi skal geta hagnýtt þá almennu þekkingu og leikni sem hann hefur aflað sér til að:
    • sýna sjálfstæð vinnubrögð í uppsetningu leiksýningar í samstarfi við aðra nemendur.
    • vera virkur í öflun efnis og áhalda fyrir sína deild.
    • vera virkur í hugmyndavinnu deildar.
    • tileinka sér gott vinnusiðferði í hóp svo hægt sé að vinna að öllum verkefnum sem fyrir liggja á jákvæðan og skapandi hátt.
    • geta unnið með öðrum deildum, stjórn leikfélagsins og leikstjóra á jákvæðan, skapandi og gefandi hátt.