Meginviðfangsefnin eru líkindareikningur, helstu líkindadreifingar og útreikningar tengdir þeim, fylgnihugtakið, grunnatriði úrtaksfræði, megin-markgildissetning tölfræðinnar og tilgátuprófanir. Ennfremur framsetning gagna með forritum eins GeoGebra og töflureikni.
STÆR1UT03
Nemandi skal hafa öðlast þekkingu og skilning á:
talningarfræði
grundvallaratriðum líkindafræði
lýsandi tölfræði og ályktunartölfræði
helstu líkindadreifingum líkt og tvíliðadreifingu og normaldreifingu
fylgnihugtakinu
öryggismörkum líkinda og tilgátuprófun
Nemandi skal hafa öðlast leikni í að:
beita talningarfræði og ýmsum grunnreglum í líkindafræði til þess að reikna heildarlíkindi fyrir samrýmanlega og ósamrýmanlega atburði, háða og óháða atburði, skilyrt líkindi
lýsa tölfræði svo sem að lýsa miðsækni tölulegra gagnasafna og dreifingu þeirra
beita grunnatriðum ályktunartölfræði svo sem að reikna öryggismörk líkinda og marktækni
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
átta sig á tengslum ólíkra aðferða við framsetningu stærðfræðilegra hugmynda og viðfangsefna
geta fylgt og skilið röksemdir og röksamhengi í mæltu máli og texta
beita skipulegum aðferðum við að leysa úr viðfangsefnum og þrautum, s. s. út frá þekkingu á lausnum svipaðra þrauta,
vinna til baka frá þekktum stærðum eða með því að setja upp jöfnur
takast á við stærðfræðileg verkefni með opnum og jákvæðum huga
skilja merkingu og tengsl hugtaka í námsefninu og vinna með þau
Nokkrar formlegar kannanir á önn eru grunnur að símati. Lokapróf.