Áfanginn er hluti af almennum kjarna á náttúruvísinda- og félagsvísindabraut. Í áfanganum er fjallað um umhverfismál og áhrif einstaklinga á sjálfbæra þróun. Nemendur kynnast helstu umhverfisvandamálum og hvað móti tengsl manns og náttúru. Nærumhverfið skoðað út frá jarðfræði, landfræðilegum staðháttum og náttúrufari. Áhersla á hvernig umhverfi og náttúrufar mótar byggð á svæðinu (frá upphafi, þróun hennar og atvinnuhætti).
Engar
Nemandi skal hafa öðlast þekkingu og skilning á:
helstu umhverfismálum sem eru í brennidepli á hverjum tíma
fjölbreyttum leiðum einstaklingsins til vistvænni lifnaðarhátta
áhrifum mannsins á umhverfi sitt, orsökum og afleiðingum og ábyrgð einstaklingsins
sögu svæðisins í ljósi samspils manns og umhverfis
ólíkum atvinnuháttum í gegnum aldirnar og áhrifum þeirra á byggðaþróun og nýtingu náttúruauðlinda á svæðinu
tengslum og samspili fortíðar og nútíðar
mikilvægi gagnrýninnar hugsunar
vinna með fjölbreyttar heimildir og koma vinnu sinni á framfæri á fjölbreyttan hátt
Nemandi skal hafa öðlast leikni í að:
greina hagsmuni varðandi ágreining í umhverfismálum
að afla sér upplýsinga um umhverfismál í nærumhverfi og heimfæra á aðstæður í víðara samhengi
nýta fjölbreyttar heimildir til að tileinka sér náttúru og sögu svæðisins
Nemandi skal geta hagnýtt þá almennu þekkingu og leikni sem hann hefur aflað sér til að:
mynda sér skoðanir í umhverfismálum og geti rökstutt þær
geti útskýrt áhrif mannlegrar breytni á nærumhverfið
beita gagnrýnni hugsun og greina orsakasamhengi atburða
setja sjálfan sig í samhengi sögunnar sem þátttakandi og skoðandi
Ekki er gert ráð fyrir lokaprófi. Í námsmati er tekið mið af leiðsagnarmati, einstaklingsvinnu og hópverkefnum. Vettvangsferðum og viðtölum, kynningum og tjáningu.