Lögð er áhersla á að efla skilning. Nemendur vinna með og þjálfa krefjandi orðaforða sem hjálpar þeim að skilja flókna og fjölbreytta texta. Nemendur vinna einnig með bókmenntaverk og texta sem dýpka enn skilning þeirra á orðgnótt enskrar tungu og menningu enskumælandi þjóða. Ritun nemenda endurspeglar þessar áherslur og sýnir að þeir hafa náð valdi á grundvallarþáttum tungumálsins.
Áhersla verði lögð á eftirfarandi atriði: Krefjandi orðaforða, skilning daglegs máls, lipurlega beitingu mismunandi málsniða, ritun rökfærsluritgerða, framsögn, gagnrýninn lestur, og heimildaskráningu
ENSK3AO05
Nemandi skal hafa öðlast þekkingu og skilning á:
menningu, viðhorfum og gildum í tilteknum enskumælandi löndum
orðaforða sem nauðsynlegur er til að standast hæfniviðmið þrepsins
notkun tungumálsins sem er nauðsynleg til að standast hæfniviðmið þrepsins
helstu hefðum um uppsetningu og skipulag ritaðs máls og notkun heimilda
Nemandi skal hafa öðlast leikni í að:
skilja fjölbreytt mál
lesa margs konar gerðir texta
beita málfari við hæfi í samskiptum og koma sínum skoðunum á framfæri á ensku
tjá sig um málefni bæði með óformlegum og formlegum hætti
skrifa margs konar texta, þar á meðal rökfærsluritgerð og heimildaritgerð
Nemandi skal geta hagnýtt þá almennu þekkingu og leikni sem hann hefur aflað sér til að:
skilja fjölbreytt talað mál
tileinka og nýta sér efni ritaðs texta
lesa texta og geta tjáð sig munnlega eða skriflega um efni þeirra og færa rök fyrir sjónarmiðum sínum
tjá sig á skýran og áheyrilegan hátt
skrifa læsilegan texta um efni frá eigin brjósti sem og færa rök fyrir skoðunum sínum
skrifa margskonar texta og fylgja þeim ritunarhefðum sem við eiga hverju sinni
Námsmat: Notað verður fjölbreytt námsmat. Dæmi um námsmatsþætti gætu verið: Munnleg og skrifleg verkefni, hlutapróf, ritun, ástundun, munnlegt próf og lokapróf