algengustu föll, deildun þeirra og helstu eiginleikar
Samþykkt af skóla
3
5
Meginefni áfangans eru föll, markgildi og deildareikningur.
Efnisþættir sem teknir verða fyrir í áfanganum eru:
Föll: Veldisföll, vísisföll, lograföll, andhverf föll, samskeytt föll, eintæk, átæk og gagntæk föll.
Markgildi og deildun: Markgildishugtakið, skilgreining á afleiðu falls, deildun veldisfalla, vísisfalla, lografalla og hornafalla. Einnig er farið í reiknireglur fyrir deildun margfeldis, ræðra falla og samskeyttra falla, samfeldni og deildanleika falla og aðfellur, hagnýtingu deildunar við könnun falla, s.s. að finna staðbundin hágildi og lággildi, einhallabil, beygjuskil og jöfnu snertils svo og gröf falla.
STÆR2AF05 (STÆR2HV05 æskilegt)
Nemandi skal hafa öðlast þekkingu og skilning á:
raunföllum, markgildum og deildun
Nemandi skal hafa öðlast leikni í að:
vinna með vísis- og lograföll með mismunandi grunntölum
finna andhverfur falla og að skeyta saman föllum
nota markgildi og skilgreiningu á afleiðu falls
deilda veldisföll, vísisföll, lograföll og hornaföll og nota reiknireglur fyrir deildun margfeldis, ræðra falla og samskeyttra falla
nota deildareikning við könnun falla, einkum að finna staðbundin útgildi, einhallabil, beygjuskil, jöfnu snertils
finna aðfellur og að teikna gröf falla og kanna samfeldni og deildanleika falla
Nemandi skal geta hagnýtt þá almennu þekkingu og leikni sem hann hefur aflað sér til að:
skilja merkingu og tengsl hugtaka í námsefninu og vinna með þau
velja þær aðferðir sem við eiga hverju sinni til að leysa verkefni og beita þeim
réttskrá lausnir sínar skipulega og útskýra þær skilmerkilega fyrir öðrum
fylgja og skilja röksemdafærslu í mæltu máli og í texta
Námsmat byggist á stöðuprófum, verkefnum og lokaprófi.