Í áfanganum verður gefið yfirlit yfir helstu geðraskanir og einkenni þeirra. Farið verður í helstu kenningar um orsakir geðraskana. Rætt verður um ýmsa þætti sem hafa áhrif á geðraskanir, t.d. þátt erfða og taugaboðefna sem og áhættuþætti tengda umhverfi. Nemendur kynnast flokkunarkerfi geðraskana, DSM-V, og fá þjálfun í að nota kerfið til að leita sér upplýsinga um geðraskanir. Nemendur fá kynningu á þeim aðferðum sem helst eru notaðar við rannsóknir á geðröskunum. Fjallað verður um mismunandi meðferðarleiðir og nemendur fá æfingu í að meta meðferðarleiðir og kenningar á gagnrýninn hátt.
Inngangur að sálfræði
Nemandi skal hafa öðlast þekkingu og skilning á:
DSM-V flokkunarkerfinu
helstu flokkum geðraskana
einkennum helstu geðraskana
helstu meðferðarúrræðum við geðröskunum
kenningum um orsakir geðraskana
aðstæðum og aðbúnaði geðfatlaðra
Nemandi skal hafa öðlast leikni í að:
greina geðraskanir eftir einkennum þeirra í lýsingum á ákveðnum tilfellum
lesa fræðilegt efni um geðraskanir á íslensku og ensku sér til gagns
setja sig í spor fólks sem á við geðræn vandamál að stríða
leita heimilda á sviði afbrigðasálfræði
miðla fræðilegu efni tengdu afbrigðasálfræði á áhrifaríkan hátt í ræðu og riti
Nemandi skal geta hagnýtt þá almennu þekkingu og leikni sem hann hefur aflað sér til að:
geta tekið þátt í umræðu um geðraskanir, einkenni þeirra og orsakir og tekið afstöðu til kenninga og álitamála tengdum geðröskunum
afla sér upplýsinga um geðraskanir, greina þær og nýta sér þær
tileinka sér jákvæð og fordómalaus viðhorf
beita öguðum og ábyrgum vinnubrögðum í námi og unnið í samstarfi við aðra
auka hæfni sína í að vinna með fagaðilum á sviði geðheilbrigðis og félagsþjónustu
Námið er metið jafnóðum allan námstímann. Nemendur vinna fjölbreytt verkefni sem reyna á upplýsingaleit, skilning og hæfni til að tjá sig í ræðu og riti. Nemendur leysa ýmsar kannanir og/eða próf.