Teknar verða fyrir helstu kenningar, viðfangsefni og rannsóknaraðferðir þroskasálfræðinnar. Nemendur læra um þroska mannsins frá frjóvgun og fram á fullorðinsár, einkum líkamsþroska, vitsmunaþroska, persónuleikaþroska og tilfinningaþroska. Byggt er á því sem nemendur hafa áður lært um sögu og sjónarmið sálfræðinnar, rannsóknaraðferðir og nám. Rætt verður um helstu álitamál þroskasálfræðinnar, svo sem erfðir og umhverfi, og stigskiptan og samfelldan þroska. Skoðuð verða mótunaráhrif fjölskyldunnar, auk frávikshegðunar og ýmsan vanda barna og unglinga. Nemendur fá þjálfun í að lesa rannsóknarskýrslu í þroskasálfræði.
Inngangur að sálfræði
Nemandi skal hafa öðlast þekkingu og skilning á:
þroska mannsins frá frjóvgun og fram á fullorðinsár
helstu hugtökum, viðfangsefnum, rannsóknaraðferðum og álitamálum þroskasálfræðinnar
þeim sjónarmiðum sem mest hafa haft áhrif á framvindu þroskasálfræðinnar
mikilvægi líkamlegrar og andlegrar umönnunar og örvunar fyrir þroska barnsins
mikilvægi fjölskyldunnar sem mótunarafls fyrir einstaklinginn
ýmsum vandamálum sökum uppeldisaðstæðna, sjúkdóma eða fötlunar
Nemandi skal hafa öðlast leikni í að:
tengja viðfangsefni þroskasálfræði við sögu sálfræðinnar og mismunandi sjónarmið hennar
leita upplýsinga um efni tengt þroskasálfræði á fjölbreyttan hátt
nýta fræðilegan texta í þroskasálfræði á íslensku og erlendu tungumáli
skipuleggja og framkvæma einfalda rannsókn í þroskasálfræði og gera grein fyrir niðurstöðum í skýrslu
miðla efni um þroskasálfræði á skýran hátt í ræðu og riti og bregðast við uppbyggilegri gagnrýni
Nemandi skal geta hagnýtt þá almennu þekkingu og leikni sem hann hefur aflað sér til að:
leggja mat á mismunandi hugmyndir um þroska og mótun mannsins
miðla skoðunum sínum um þroska og mótun mannsins í samræðu og rökræðum
nota hugmyndir þroskasálfræðinnar í samskiptum við börn og í uppeldi þeirra
vinna úr rannsóknargögnum úr þroskasálfræði og leggja mat á þau
Námið er metið jafnóðum allan námstímann. Nemendur vinna fjölbreytt verkefni sem reyna á upplýsingaleit, skilning og hæfni til að tjá sig í ræðu og riti. Nemendur leysa ýmsar kannanir og/eða próf