Í áfanganum verður áhersla lögð á uppruna vestrænnar menningar. Sjónum beint að fornum menningarsamfélögum við Miðjarðarhaf, Forn – Grikkjum, Rómverjum og Egyptum og framlagi þeirra til nútímamenningar. Auk þess verða skoðuð áhrif gyðingdóms og kristni á vestræn menningarsamfélög í fortíð og nútíð. Fjallað verður um miðaldir, borgarmenningu, endurreisnina og einveldistímann og sjónum beint að þjóðfélagsbreytingum sem endurspeglast í menningu og listum. Upplýsingin og rómantíkin verða könnuð á svipaðan hátt með tilliti til samfélagsbreytinga og hvernig sjá má merki þessara stefna í nútímamenningu.
SAGA2FR05
Nemandi skal hafa öðlast þekkingu og skilning á:
aðgreiningu menningarhugtaksins í hlutlæga og huglega menningu
mismunandi heimildum, s.s. texta, myndmáli og fornleifum af ýmsu tagi
ólíkum sviðum menningar og tengsl þeirra við upphaf sitt
framlagi ólíkra menningarheilda til nútímamenningar
menningarframlagi ólíkra menningasvæða
Nemandi skal hafa öðlast leikni í að:
greina helstu þætti menningar og hvernig þeir endurspegla menninguna og þjóðfélagshætti
meta menningarframlag ólíkra menningarsvæða til skilnings á nútímasamfélagi
nýta sagnfræðilega texta á íslensku og erlendum tungumálum
meta áreiðanleika heimilda á gagnrýninn hátt og nýta sér fjölbreytni þeirra í verkefnavinnu
vinna sjálfstætt og á gagnrýninn hátt
Nemandi skal geta hagnýtt þá almennu þekkingu og leikni sem hann hefur aflað sér til að:
bera saman ólíkar menningarheildir á ýmsum tímaskeiðum
geta ályktað út frá einu sviði menningar yfir á annað
koma þekkingu sinni á framfæri með fjölbreyttum hætti
geti tekið þátt í skoðanaskiptum og rökræðu með jafningjum um viðfangsefni sem tekin eru fyrir í áfanganum
beita gagnrýnni hugsun
Ekki er gert ráð fyrir lokaprófi. Í námsmati er tekið mið af leiðsagnarmati, einstaklingsvinnu, hópverkefnum og smærri prófum. Áherslan verður á sjálfstæð vinnubrögð.