Í áfanganum verða tekin fyrir helstu átök 20. aldar. Sérstök áhersla verður lögð á heimsstyrjaldirnar tvær, kalda stríðið og átökin Mið – Austurlöndum. Einnig verður uppgangur stórvelda í Asíu á 20. öld skoðaður. Áhersla verður á hugmyndafræðilegan bakgrunn átakanna og afleiðingar þeirra fyrir samskipti þjóða.
SAGA2FR05
Nemandi skal hafa öðlast þekkingu og skilning á:
helstu sögulegum atburðum og átökum á 20. öld
hver sögulegur bakgrunnur átakanna er
helstu hugtökum sem tengjast atburðunum og átökunum
ólíkum hugmyndafræðilegum stjórnmálastefnum sem höfðu áhrif á tímabilinu
áhrifum átakanna á stöðu heimsmála í dag
áhrifum átakanna á samskipti þjóða
Nemandi skal hafa öðlast leikni í að:
afla sér upplýsinga um efni áfangans, bæði á íslensku og erlendu máli, og túlka þær
greina orsakasamhengi og setja efni áfangans í sögulegt samhengi
beita gagnrýnni hugsun og meta áreiðanleika heimilda
beita sagnfræðilegum aðferðum við úrvinnslu og skráningu heimilda
nota ólík miðlunarform til að miðla sögulegu efni
Nemandi skal geta hagnýtt þá almennu þekkingu og leikni sem hann hefur aflað sér til að:
gera sér grein fyrir orsökum átaka á tímabilinu
geti ályktað um orsakasamband atburða í víðu sögulegu samhengi
koma þekkingu sinni og skilningi á efninu á framfæri með fjölbreyttum hætti
geta tekið þátt í skoðanaskiptum og rökræðum með jafningum um efni áfangans
geta metið alþjóðleg átök út frá eigin forsendum og skilningi
Ekki er gert ráð fyrir lokaprófi. Í námsmati er tekið mið af leiðsagnarmati, einstaklingsvinnu, hópverkefnum og smærri prófum. Áherslan verður á sjálfstæð vinnubrögð.