Í áfanganum er unnið með stofnföll falla, óákveðið og ákveðið heildi og heildunaraðferðir. Deildajöfnur af fyrsta stigi eru skoðaðar og runur og raðir.
STÆR3DF05
Nemandi skal hafa öðlast þekkingu og skilning á:
tengslum deildunar og heildunar
stofnföllum og óákveðnu heildi
ákveðnu heildi og flatarmáli undir ferli falls
tölulegri nálgun heildis
hlutheildun, heildun með innsetningu og heildun ræðra falla
rúmmáli snúða þegar flatarmáli er snúið um ása hnitakerfisins
deildajöfnum af fyrsta stigi og hagnýtingu þeirra
endanlegum og óendanlegum runum og röðum
Nemandi skal hafa öðlast leikni í að:
beita reglum um ákveðið og óákveðið heildi í lausn fjölbreyttra verkefna
heilda með aðferðum eins og innsetningu, hlutheildun og liðun í stofnbrot
beita reglum um ákveðið heildi til að finna flatarmál og rúmmál
leysa fyrsta stigs deildarjöfnur
nota fyrsta stigs deildajöfnur til að leysa hagnýt dæmi
vinna með runur og raðir og geti fundið markgildi þeirra
Nemandi skal geta hagnýtt þá almennu þekkingu og leikni sem hann hefur aflað sér til að:
skilja merkingu og tengsl hugtaka í námsefninu og vinna með þau
beita skipulögðum aðferðum við lausn verkefna og rökstutt aðferðir sínar
skrá lausnir sínar skipulega, skiptast á skoðunum við aðra um þær og útskýra hugmyndir sínar
átta sig á tengslum ólíkra aðferða við framsetningu stærðfræðilegra hugmynda og viðfangsefna og valið aðferð við hæfi
fylgja röksemdarfærslu í mæltu máli og texta og rakið sannanir í námsefninu