Í þessum byrjunaráfanga er lögð áhersla á að nemendur nái tökum á undirstöðuatriðum tungumálsins og kynnist grundvallaratriðum í menningu spænskumælandi landa. Nemendur eru þjálfaðir í færniþáttunum fjórum: ritun, lesskilningi, hlustun og tali. Þeir byggja upp hversdagslegan orðaforða og fá þjálfun í að skilja og nota einfaldar setningar til að geta lýst sínu nánasta umhverfi, s.s. að kynna sig og aðra, tala um fjölskyldu sína og áhugamál. Nemendur þjálfist í að eiga einföld samskipti við aðra og geti spurt spurninga um persónulega hagi, s.s. nafn, uppruna, búsetu, heimilisfang og símanúmer, og svarað þeim. Unnið er með grunnkennslubók sem tekur mið af evrópska tungumálarammanum ásamt ítarefni. Áfanginn er á hæfniþrepi A1 samkvæmt evrópska tungumálarammanum.
Engar
Nemandi skal hafa öðlast þekkingu og skilning á:
þeim orðaforða sem nauðsynlegur er til að ná leikni- og hæfnimarkmiðum áfangans
nokkrum grundvallaratriðum spænska málkerfisins
helstu framburðarreglum og tónfalli
nokkrum grundvallaratriðum í menningu og siðum spænskumælandi landa
Nemandi skal hafa öðlast leikni í að:
skilja þegar talað er hægt og skýrt um kunnuleg efni
skilja einföld fyrirmæli, einfaldar spurningar um daglegt líf, helstu kveðjur og ávörp
lesa einfalda texta sem innihalda algengan orðaforða
skrifa einfalda texta sem innihalda algengan orðaforða sem tengist nemandanum á einhvern hátt
taka þátt í einföldum samræðum um efni sem hann þekkir og greina á milli persónulegs samtals og kurteisisforms
segja á einfaldan hátt frá sjálfum sér, fjölskyldu sinni og ýmsu úr daglegu lífi
geta borið spænsku fram samkvæmt reglum um framburð, áherslur og málvenjur
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig munnlega og skriflega á einfaldan hátt um efni sem hann þekkir
skilja einfalt talað mál þegar talað er hægt og skýrt
skilja megininntak einfaldra texta
Námsmat er útfært í kennsluáætlun í samræmi við skólanámskrá.