Skrefað, skrifað og skrafað um nærsamfélagið/átthagana.
ÍSLE2SÁ05
75
íslenska
Skrefað, skrifað og skrafað um nærsamfélagið/átthagana.
Samþykkt af skóla
2
5
Skapandi skrif í kjölfar gönguferða um nærsamfélagið/átthagana. Kennslan fer fram bæði úti og inni. Inni fer fram fræðsla um skapandi skrif auk þess sem nemendur fá handleiðslu í málnotkun og ritun. Reifuð verður merking hugtaksins umhvefislæsi og stiklað á stóru í sögu byggðar. Þá verður farið í nokkuð drjúgar gönguferðir hálfsmánaðarlega þar sem nemendur fá tækifæri til að fræðast um ýmislegt sem á leið þeirra verður. Að því búnu eiga þeir að setja saman hugleiðingar frá eigin brjósti um upplifun sína og skila af sér vönduðum texta. Ætlast er til þess að nemendur flytji mál sitt frammi fyrir nemendahópnum.
ÍSLE2RL05
Nemandi skal hafa öðlast þekkingu og skilning á:
vinnubrögðum við skapandi skrif af ýmsu tagi
útiveru og nánum samskiptum við náttúruna
vistfræðilegum og sögulegum grunni sem nærsamfélagið hvílir á
hugtakinu umhverfislæsi í víðustu merkingu
möguleikum tungumálsins til blæbrigðaríkrar tjáningar á upplifun og reynslu
gildi þjóðfræði og þjóðsagna fyrr og nú
örnefnafræði
aðferðum til að bæta upplestur og framsögn
Nemandi skal hafa öðlast leikni í að:
skrifa texta sem á sér stoð í persónulegri upplifun og reynslu
segja skipulega og líflega frá
njóta samvista við náttúru
lesa í umhverfið með tilliti til náttúrfars og búsetu fyrr og nú
beita mismunandi stílbrigðum og blæbrigðaríku orðfæri
grafast fyrir um rætur örnefna
flytja mál sitt skilmerkilega frammi fyrir fjölda
Nemandi skal geta hagnýtt þá almennu þekkingu og leikni sem hann hefur aflað sér til að:
efla fyrir eigin rammleik færni sína til skapandi skrifa
nýta sér sköpunarmátt tungumálsins í bæði námi, starfi og leik
miðla með skýrum hætti eigin upplifun og reynslu til annarra
taka virkan þátt í málefnalegri umræðu
Námsmat er útfært í kennsluáætlun í samræmi við skólanámskrá