Markmið áfangans er að nemendur kynnist þeim menningarþáttum sem mótað hafa listsköpun mannsins í gegnum tíðina. Nemendur rannsaka ýmsa þætti lista- og menningarlífsins, þar á meðal myndlist, hönnun, leiklist og kvikmyndagerð. Nemendur skoða áhrif og tilgang lista í samfélaginu og í sögulegu samhengi, meðal annars með tilliti til virkni listalífs og hagrænna áhrifa. Í áfanganum er lögð áhersla á að nemendur kynnist vel leiklist, kvikmyndagerð og grafískri hönnun. Ennfremur skoða nemendur hefðir í menningu og listum á Íslandi. Nemendur vinna í hópum þar sem farið er í vettvangsheimsóknir á vinnustofur listamanna aflað um þá heimilda til kynningar. Heimsóknunum er ætlað að veita nemendum betri innsýn í hinar ýmsu listgreinar og efla hæfni sína til skapandi starfa.
Engar
Nemandi skal hafa öðlast þekkingu og skilning á:
listnámi á sviði leiklistar, kvikmyndalistar og grafískrar hönnunar.
starfsumhverfi leikara, kvikmyndagerðarmanna og grafískra hönnuða.
viðtalstækni.
framsetningu efnis til kynningar.
tengslum milli listgreina.
mikilvægi lista í menningarlegu samhengi.
Nemandi skal hafa öðlast leikni í að:
vinna hópverkefni
gera spurningalista fyrir viðtal
afla upplýsinga/heimildaleit
rannsóknavinnu á vettvangi
taka viðtöl
vinna úr upplýsingum
undirbúa kynningu
flytja fyrirlestur
meta verkefni annarra
velja sér áherslusvið innan listnámsbrautarinnar út frá eigin áhuga og styrk
Nemandi skal geta hagnýtt þá almennu þekkingu og leikni sem hann hefur aflað sér til að:
gera grein fyrir sérstöðu leiklistar, kvikmyndunar og grafískra hönnunar sem listgreina. Námsmat: verkefnamat, frammistöðumat.
ræða á gagnrýninn hátt um áhrif lista og menningar í samfélaginu. Námsmat: frammistöðumat og jafningjamat.
nýta heimildir á viðurkenndan hátt og gæta að höfundarrétti/sæmdarrétti. Námsmat: verkefnamat, frammistöðumat og jafningjamat.
vinna úr og miðla á marvissan hátt menningalegu efni. Námsmat: verkefnamat, leiðsagnarmat og jafningjamat.
tengja efni áfangans við ríkjandi strauma og stefnur í listum og menningu líðandi stundar. Námsmat: leiðsagnarmat og jafningjamat.
kynna niðurstöður sínar á skýran og fjölbreytilegan hátt. Námsmat: frammistöðumat og jafningjamat.