Það kom upp villa senda inn  Áfangi

    Áfangi Nánari upplýsingar


    Búið til: 1426607052.63

    Lesskilningur, orðaforði og menning
    DANS2LO05(11)
    42
    danska
    lesskilningur, orðaforði
    Samþykkt af skóla
    2
    5
    11
    Meginmarkmið áfangans er að þjálfa nemendur í að beita þeirri kunnáttu sem þeir hafa áður tileinkað sér til þess að kynna sér fjölbreytt efni tengt dönsku samfélagi og menningu með ýmsum aðferðum. Nemendur fá innsýn í danskt samfélag, danska menningu og siði og samskiptahefðir. Í áfanganum er lögð áhersla á að nemendur vinni með flóknari texta en gert er í grunnskóla. Unnið er með orðaforða sem tengist daglegu lífi og áhugasviði nemenda. Áhersla er lögð á vandlegan lestur texta með það fyrir augum að byggja upp virkan og hagnýtan orðaforða. Nemendur vinna sjálfstætt að viðameiri verkefnum í formi kynninga og ritunarverkefna. Mikil áhersla er lögð á að nemendur beri ábyrgð á eigin námsframvindu og sýni sjálfstæð vinnubrögð. Einnig að þeir þjálfist í að nota hjálpartæki, bæði í formi bóka og af veraldarvefnum.
    Grunnskólapróf
    Nemandi skal hafa öðlast þekkingu og skilning á:
    • danska menningarsvæðinu og hvernig danska nýtist á norræna menningarsvæðinu almennt
    • ólíkum viðhorfum og gildum og hvernig þau móta danska menningu
    • orðaforða til undirbúnings náms á háskólastigi
    • danska málkerfinu til markvissrar notkunar, bæði munnlega og skriflega
    • helstu hefðum við uppsetningu og skipulag ritaðs máls
    • mismunandi bókmenntatextum.
    Nemandi skal hafa öðlast leikni í að:
    • nota orðabækur og hjálparforrit
    • skilja eðlilegt talað mál við mismunandi aðstæður og algengustu orðasambönd sem einkenna það
    • lesa fjölbreyttar gerðir texta og beita lestraraðferðum í samræmi við textagerð og viðfangsefni
    • tjá sig munnlega á skýran og hnökralausan hátt um málefni sem hann hefur kynnt sér
    • rita margs konar texta, formlega og óformlega, og fylgja helstu rithefðum og reglum um málbeitingu
    • beita meginreglum danskrar málfræði og setningafræði
    • túlka mismunandi bókmenntatexta.
    Nemandi skal geta hagnýtt þá almennu þekkingu og leikni sem hann hefur aflað sér til að:
    • skilja daglegt mál, svo sem samræður og fjölmiðlaefni, inntak erinda og annað tiltölulega flókið efni sem hann hefur kynnt sér ...sem er metið með... ýmiss konar verkefnum, hlustunaræfingum og prófum
    • nýta texta á mismunandi hátt ...sem er metið með... ýmsum verkefnum
    • lesa á milli línanna og átta sig á dýpri merkingu texta ...sem er metið með... ýmiss konar verkefnum og/eða prófum
    • tjá sig hiklaust og taka þátt í samræðum ...sem er metið með... munnlegum verkefnum
    • tala lipurlega og með nægilega góðum framburði, hrynjandi og áherslum til að vel skiljist ...sem er metið með... munnlegum verkefnum og/eða munnlegum prófum
    • skrifa læsilega texta um margvíslegt efni þar sem hugmyndaflug getur fengið að njóta sín og þeim rithefðum sem við eiga hverju sinni er fylgt ...sem er metið með... ritunarverkefnum.
    Í áfanganum er gert ráð fyrir leiðsagnarmati sem felst í því að nemandinn fái með skipulegum og reglulegum hætti upplýsingar frá kennara um hvernig hann stendur í náminu. Matið byggist á ýmiss konar verkefnum (bæði munnlegum og skriflegum, einstaklings- og hópverkefnum), hlustunaræfingum, munnlegum og skriflegum prófum, verklagi nemenda og frammistöðu þeirra í kennslustundum.