Markmið áfangans er að nemandinn geri sér grein fyrir eðli þeirra þátta sem mótað hafa listsköpun mannsins í gegnum tíðina. Áfanganum er skipt upp í sex lotur þar sem nemendur kynnast og vinna heildrænt með menningarsamhengið á ákveðnum stað á ákveðnum tíma. Þeir skoða alla þætti listalífsins, myndlist, handverk, hönnun, tónlist, dans og leiklist, hvern í samhengi við annan og við félagslegt og heimspekilegt umhverfi. Vinna í áfanganum fer að mestu fram í hópum þar sem hver hópur tekur fyrir ákveðna þætti menningarinnar, leitar heimilda, vinnur úr þeim og kynnir að lokum fyrir öðrum nemendum. Áfanginn kallar á kennsluhætti þar sem nemendur eru virkir og sjálfstæðir í þekkingarleit.
HUGN1HN05 Hugmyndir og nýsköpun
Nemandi skal hafa öðlast þekkingu og skilning á:
listum og menningu samtímans
helstu listfræðilegu aðferðum og hugtökum mismunandi listgreina
helstu einkennum, aðferðum og efnisnotkun mismunandi listgreina
mikilvægi allrar listsköpunar í samfélaginu
staðsetningu og hlutverki lista- og menningarsetrum samfélagsins
listrænum menningararfi í íslensku samfélagi
að skipuleggja einstök verkefni þar sem sótt er í margs konar listform og samþættingu
Nemandi skal hafa öðlast leikni í að:
njóta lista og skapandi starfs í margvíslegu formi
horfa á sköpun, myndlist og hönnun með opnum huga
vera læs á menningu samtímans og þá möguleika sem í boði eru
tileinka sér færni til að skynja, greina og meta list út frá eigin forsendum og annarra
skipuleggja einstök verkefni þar sem sótt er í margs konar listform og samþættingu
vera þátttakandi í listrænum viðburðum
að tjá sig á fjölbreyttan hátt um listir og menningu
greina og túlka listaverk
Nemandi skal geta hagnýtt þá almennu þekkingu og leikni sem hann hefur aflað sér til að:
Í námsmati er tekið mið af leiðsagnarmati, einstaklingsvinnu, hópverkefnum og smærri prófum. Áherslan verður á sjálfstæð vinnubrögð.