Það kom upp villa senda inn  Áfangi

    Áfangi Nánari upplýsingar


    Búið til: 1426674562.42

    Formfræði og fjarvídd
    MYNL2FF05
    12
    myndlist
    fjarvídd, formfræði, hönnun, myndbygging
    Samþykkt af skóla
    2
    5
    AV
    Áfanginn miðar að því að nemandinn efli næmi sitt fyrir fjarvídd og myndbyggingu á tvívíðum fleti og dýpki skilning á grundvallaratriðum myndbyggingar, formfræði og hönnunar. Í áfanganum er skynjun á formum í umhverfinu efld og þrívíð tilfinning skerpt. Nemandinn gerir tilraunir með form, línur, fleti og áferð til að rannsaka ólíka myndbyggingu og læra undurstöðuatriði í fjarvíddarteikningu þar sem umhverfið er skoðað og útfært í fjarvídd. Áhersla lögð á að nemandinn prófi og kynnist mismunandi miðlum í vinnslu myndverka.
    MYNL2HU05
    Nemandi skal hafa öðlast þekkingu og skilning á:
    • forsendum myndbyggingar og fjarvíddar
    • grundvallarreglum formfræði og fjarvíddar
    • hlutverki forma, lína, lita og áferðar í myndverkum
    • hvaða merkingu og áhrif ólík form og línur hafa í myndverki
    • hvernig mismunandi miðlar og aðferðir hafa áhrif á útkomu myndverks
    • hvernig myndbygging hefur áhrif á útkomu myndverks
    • fagorðum
    Nemandi skal hafa öðlast leikni í að:
    • teikna hluti í réttum hlutföllum í fjarvídd í einum, tveimur og þremur hvarfpunktum
    • skyggja hluti út frá ákveðnu ljóshorni
    • nota myndbyggingu, formfræði og fjarvídd í myndverki til að ná ákveðnum áhrifum þannig að gott jafnvægi sé milli einstakra þátta
    • vinna með mismunandi miðla og nota mismunandi aðferðir við gerð myndverka
    • skilgreina verk sín og tengja þau við fagorð og fjalla um þau
    • útfæra og setja fram verkefni sín á frumlegan, skapandi og skipulegan máta
    • beita táknfræðilegum rökum við umræðu um mögulega merkingu óhlutbundinna mynda
    Nemandi skal geta hagnýtt þá almennu þekkingu og leikni sem hann hefur aflað sér til að:
    • nýta formfræði, fjarvídd og myndbyggingu í sköpun myndverka
    • vinna á persónulegan hátt og þróa eigin hugmyndir
    • fjalla um og meta eigin verk og annarra á upplýstan og greinargóðan hátt með vísan í grundvallaratriði myndbyggingar og fjarvíddar
    • meta myndbyggingarlega þætti í myndverkum annarra, t.d. fjölmiðlaefni, kvikmyndir, listaverk o.fl
    Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.