Í þessum fyrsta áfanga í eðlisfræði er farið yfir mælieiningar, hreyfingu, kraft, orku, þrýsting og ljósgeislafræði og áhersla lögð á að nemendur tileinki sér vísindaleg vinnubrögð.
STÆR2HV05 á undan eða samhliða
Nemandi skal hafa öðlast þekkingu og skilning á:
mælieiningum, stærðum og vigrum
stöðu, færslu, hraða og hröðun í einvídd
kraftalögmálum Newtons, þyngd, þver- og núningskrafti
vinnu, orku, afli og orkuvarðveislu
atlagi, skriðþunga og árekstrum
þrýstingi og lögmáli Arkimedesar
ljósbroti, Snells lögmáli, alspeglun og linsum
Nemandi skal hafa öðlast leikni í að:
nota markverða tölustafi og mælieiningar
túlka og búa til gröf sem lýsa hreyfingu
notast við réttar formúlur út frá gefnum stærðum dæma
framkvæma verklegar æfingar og túlka niðurstöður þeirra
Nemandi skal geta hagnýtt þá almennu þekkingu og leikni sem hann hefur aflað sér til að:
meta hvort niðurstöður útreikninga og mælinga séu raunhæfar
gera sér grein fyrir mikilvægi nákvæmra vinnubragða
tengja námsefnið við daglegt líf og umhverfi og gera sér grein fyrir notagildi þess
Fjölbreytilegt námsmat með áherslu á símat, tíða endurgjöf og leiðsögn. Vinna nemenda í kennslustundum er metin, lögð eru fyrir skrifleg og verkleg verkefni. Skriflegt lokapróf.