Í áfanganum er farið yfir helstu stílbrigði sjónlista á Íslandi frá landnámi og fram á 20. öld í samhengi við þróun evrópskrar listasögu og tengsl listarinnar við þjóðfélagslegar forsendur á hverjum tíma. Farið er í gegnum helstu stíleinkenni og stefnur í tengslum við tíðaranda hvers tímabils og tæknilegar, félagslegar og landfræðilegar forsendur íslenskrar listsköpunar fyrr og nú rannsakaðar. Áhersla er lögð á að nemandinn nýti sér fjölbreytta miðla við upplýsingaleit og framsetningu verkefna.
LISA2RA05 eða sambærilegur áfangi
Nemandi skal hafa öðlast þekkingu og skilning á:
helstu stíleinkennum í íslenskri myndlistarsögu
verkum og hugmyndum helstu listamanna í íslenskri myndlistarsögu
gildi þekkingar á íslenskri listasögu í alþjóðlegu samhengi
hvernig samfélagsgerð, landfræðileg staða, veðurfar og tíðarandi hefur áhrif á hugmyndir, viðfangsefni og vinnuaðferðir myndlistarmanna
Nemandi skal hafa öðlast leikni í að:
vinna á skapandi hátt í einstaklings- og hópverkefnum áfangans og sýna frumkvæði
taka þátt í samvinnu, upplýsingaöflun og samræðum í kennslustundum með sameiginlegt markmið hópsins að leiðarljósi
beita innsæi, tilfinningu og sjálfstæðum vinnubrögðum við útfærslu verkefna
beita faglegum hugtökum til að tjá sig um þekkingu sína á stíleinkennum, stílbrögðum og túlkunarleiðum í íslenskri listasögu
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig um strauma og stefnur í íslenskri myndlistarsögu og miðla þekkingu sinni á skýran og gagnrýninn hátt
gera þekkingu sinni skil með margvíslegum hætti, skriflega, munnlega og með nýmiðlun
taka þátt í uppbyggilegri og frjórri samræðu um verkefni sín og annarra
ígrunda og rökstyðja mál sitt
beita faglegum hugtökum til að tjá sig um þekkingu sína á stíleinkennum, stílbrögðum og túlkunarleiðum í íslenskri listasögu
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.