Efnissvið áfangans eru mengjafræði, rökfræði, talningarfræði, talnafræði Fibonacci runan og tengsl hennar við gullinsnið. Náttúrlegar tölur eru sameiginlegt viðfangsefni þessara sviða. Helstu efnisatriði eru: Mengi, vensl, varpanir og helstu hugtök varðandi þessi atriði, talningarfræði, rökreglur, mótdæmi, rakning, þrepun, deilanleiki talna og frumtölur, sætiskerfi með öðrum grunntölum en 10
STÆR3HI05
Nemandi skal hafa öðlast þekkingu og skilning á:
helstu mengjahugtökum og mengjareikningi
aðferðum úr talningarfræði
helstu hugtökum og aðferðum stærðfræðilegrar rökfræði
undirstöðuhugtökum talnafræðinnar
sætiskerfi með öðrum grunntölum en 10
stærðfræðilegri þrepun
Fibonacci rununni, gullinsniði og Pascal þríhyrningnum
Nemandi skal hafa öðlast leikni í að:
beita helstu reglum um mengjaaðgerðir
reikna fjölda umraðana og samantekta
nota þrepun til að sannreyna ályktanir út frá þrepunarskilgreiningum
finna minnsta samfeldi, bæði með frumþáttun og reikniriti Evklíðs
umrita tölur í önnur talnakerfi en tugakerfið
rita sanntöflur og lesa úr þeim
nota Pascal þríhyrninginn
Nemandi skal geta hagnýtt þá almennu þekkingu og leikni sem hann hefur aflað sér til að:
útskýra helstu sannanir sem koma fyrir í námsefni áfangans
fella stærðfræðileg viðfangsefni inn í þá þekkingu og færni sem hann býr yfir
teikna skýringarmyndir til að glöggva sig á vandamálum sem fyrir liggja
nýta stærðfræðileg líkön til að fást við aðrar fræðigreinar
skilja og taka þátt í að hanna stærðfræðileg líkön sem sniðin eru að ákveðnum viðfangsefnum
skilja að það sé ekki sjálfsagt að verkefni hafi lausnir, hvorki einföld jafna né stór viðfangsefni
skilja hvaða eiginleikar talna eru háðir talnarituninni og hverjir ekki
Byggist á fjölbreyttu námsmati, m.a. heimaverkefnum, hópverkefnum, smærri verkefnum, prófum og virkni í tímum