Grunnáfangi í íslensku. Lesin er ein af styttri Íslendingasögum, efni hennar og málfar krufið til mergjar og sagan sett í samtímalegt og nútímalegt samhengi. Ein nútímaskáldsaga er hraðlesin og nemendur gera grein fyrir efni hennar skriflega. Farið er yfir grunnatriði beygingarkerfisins og framsetningu texta og helstu stafsetningar- og greinarmerkjareglur rifjaðar upp. Skoðuð eru hugtök eins og orðaforði, málsnið og stíll. Textar tímarita/dagblaða/netmiðla verða lagðir til grundvallar.
Engar
Nemandi skal hafa öðlast þekkingu og skilning á:
mikilvægi lestrar og mismunandi lestraraðferðum
mikilvægi þekkingar á formgerð íslensks máls og muni talmáls og ritmáls
hugtökum sem nýtast við lestur bókmenntatexta
uppbyggingu og framsetningu texta á mæltu og rituðu máli
Nemandi skal hafa öðlast leikni í að:
lesa sér til gagns texta bóka og tímarita/dagblaða/netmiðla og gera grein fyrir inntaki þeirra á skipulegan hátt
nýta málfræðilegar upplýsingar til þess að efla eigin málfærni
fylgja reglum um stafsetningu og greinarmerkjasetningu og að nýta sér handbækur til þess
færa hugmyndir sínar í orð og nota fjölbreyttan orðaforða við framsetningu texta
Nemandi skal geta hagnýtt þá almennu þekkingu og leikni sem hann hefur aflað sér til að:
styrkja eigin málfærni
tjá sig af nokkru öryggi á góðu og blæbrigðaríku máli í ræðu og riti
auka og bæta við orðaforða og málskilning
gera greinarmun á vönduðu og óvönduðu máli
Námsmat er útfært í kennsluáætlun í samræmi við skólanámskrá