Viðfangsefni áfangans eru t.d. vigrar: samlagning, frádráttur og margfeldi. Unnið með hornaföll, einingahringinn, hornafallareglur og lausn hornafallajafna. Keilusnið eru tekin fyrir: hringur, sporbaugur og breiðbogi. Mismunandi framsetning á jöfnu beinnar línu og einnig er unnið með almenna jöfnu línu og stikun línu
STÆR2AH05
Nemandi skal hafa öðlast þekkingu og skilning á:
vigrum í sléttum fleti og helstu eiginleikum þeirra
reiknireglum sem gilda um vigra
hornaföllum og reglum um notkun þeirra í þríhyrningum og lausn í hornafallajafna
keilusniðum, s.s. hring, sporbaug og breiðboga
stikun og almennri jöfnu línu
Nemandi skal hafa öðlast leikni í að:
beita helstu reiknireglum vigurreiknings, s.s. að finna hnit vigra, lengd þeirra, innfeldi tveggja vigra og horn milli vigra
nota hornaföll til að finna hliðarlengdir, horn og flatarmál þríhyrninga
einfalda og umrita stæður sem innihalda hornaföll og leysa hornafallajöfnur
finna miðju og radíus hrings út frá jöfnu hans og öfugt, og vinna á samsvarandi hátt með jöfnur, sporbauga og breiðboga
finna stikun og almenna jöfnu línu milli tveggja punkta og breyta almennri jöfnu yfir í stikun og öfugt
finna stikun hrings
Nemandi skal geta hagnýtt þá almennu þekkingu og leikni sem hann hefur aflað sér til að:
setja margskonar verkefni upp með táknmáli stærðfræðinnar og leysa þau
beita skipulögðum aðferðum við lausn verkefna og rökstyðja aðferðir sínar
skrá lausnir sínar skipulega og skiptast á skoðunum um þær við aðra
átta sig á tengslum aðferða við framsetningu
beita frumkvæði, innsæi og frumleika við lausn verkefna
Byggist á fjölbreyttu námsmati, m.a. heimaverkefnum, hópverkefnum, smærri verkefnum, prófum og virkni í tímum