Áfanginn er inngangur og kynning á fjölmiðlafræði. Fjallað verður um þrjú form nútímafjölmiðlunar: blöð og tímarit, ljósvakamiðla og netfjölmiðlun. Könnuð verða einkenni boðskipta á netinu og þau borin saman í sögulegu og fræðilegu samhengi. Gerður verður samanburður á fjöldaboðskiptum og persónulegum boðskiptum, gagnvirkum og ógagnvirkum. Fjallað verður um fréttaflutning í nútímasamfélagi og hvernig fjölmiðlar og fréttastofur meðhöndla fréttir. Reifaðar eru kenningar um áhrifamátt fjölmiðla og þátt þeirra í félagsmótun einstaklinga. Fjallað verður um lög og reglugerðir um fjölmiðla. Kennslan fer fram í fyrirlestrum, umræðum og verkefnum. Samhliða bóklegu námi er áhersla lögð á að nemendur fylgist með hvernig fjölmiðlar spegla atburði líðandi stundar innanlands og utan.
LIME1LI05, LIME1ML05 (LIM1A05, LIM2A05)
Nemandi skal hafa öðlast þekkingu og skilning á:
hvað mótar fjölmiðla samfélagsins og þekki þau öfl sem hafa áhrif á slíka mótun.
áhrifum netsins á aðgengi einstaklinga að fjöldaboðskiptum og fjölmiðlun.
aðalatriðum í sögu fjölmiðlunar á Íslandi.
hvernig fréttir berast til fjölmiðla.
hvernig starfsfólk á fréttastofum vinnur úr þeim upplýsingum sem valdar eru til birtingar.
ýmsum stílbrögðum í framsetningu fjölmiðlaefnis.
áhrifamætti fjölmiðla á viðhorf og hegðun einstaklinga.
hvernig fjölmiðlar og fjölmiðlatengd fyrirtæki starfa.
mikilvægi laga og reglna um starfsemi fjölmiðla og forsendum þeirra.
Nemandi skal hafa öðlast leikni í að:
ræða siðferðisleg álitamál sem tengjast fjölmiðlum.
taka þátt í hópastarfi um margvíslega þætti fjölmiðlunar og gera grein fyrir niðurstöðum umræðna.
fjalla um fjölmiðla og áhrif þeirra í samfélaginu.
túlka margvíslegar kannanir á notkun og efni fjölmiðla.
Nemandi skal geta hagnýtt þá almennu þekkingu og leikni sem hann hefur aflað sér til að:
skilgreina muninn á persónulegum boðskiptum og fjöldaboðskiptum. Námsmat: verkefnamat, jafningjamat og sjálfsmat.
hafa rökstudda skoðun á hvort sumar skoðanir eiga greiðari aðgang að fjölmiðlum en aðrar. Námsmat: verkefnamat, jafningjamat og sjálfsmat.
nýta sér fjölmiðla sem tæki til þekkingaröflunar. Námsmat: verkefnamat, jafningjamat og sjálfsmat.
gera sér grein fyrir hvað dagblöð, tímarit, ljósvakamiðlar og fréttamiðlar á netinu eiga sameiginlegt.Námsmat: verkefnamat, jafningjamat og sjálfsmat.
gera sér grein fyrir sérstöðu hvers miðils. Námsmat: jafningjamat og sjálfsmat.
Verkefnavinna, frammistöðumat, sjálfsmat, jafningjamat og símat (ástundun, þátttaka og framfarir).