Það kom upp villa senda inn  Áfangi

    Áfangi Nánari upplýsingar


    Búið til: 1428326625.15

    Orðaforði vísinda og fræða
    ENSK3UH05
    55
    enska
    Undirbúningur fyrir háskólanám
    Samþykkt af skóla
    3
    5
    Áfanginn er undirbúningur undir háskólanám og nemendur þjálfast í að tileinka sér aukinn orðaforða vísinda og fræða. Nemendur vinna einstaklingsverkefni sem tengist námsvali og áhugasviði. Nemendur vinna sjálfstætt að viðameiri verkefnum svo sem kynningum og stærri ritunarverkefnum, sem fela í sér fjölbreytta upplýsingaöflun og heimildavinnu. Við kennsluna verður nýtt fjölbreytt efni, s.s. fréttir, heimildamyndir og ýmiskonar textar.
    A.m.k. 10 einingar í ensku á 2. þrepi.
    Nemandi skal hafa öðlast þekkingu og skilning á:
    • þverfaglegum orðaforða til markvissrar notkunar í námi á háskólastigi
    • rithefðum sem við eiga í textasmíð
    • helstu aðferðum við að skipuleggja og skrifa fræðilegan texta á ensku
    • því hvernig meta má gæði heimilda
    Nemandi skal hafa öðlast leikni í að:
    • lesa sér til fróðleiks og ánægju texta sem gera miklar kröfur til lesandans, bæði hvað varðar orðaforða og uppbyggingu
    • nýta sér fyrirlestra, umræður og rökræður um efni fræðilegs eðlis
    • lesa fjölbreyttar gerðir texta, sér í lagi fræðilega
    • beita þeim lestraraðferðum sem við eiga eftir gerð texta eða viðfangsefnis
    • tjá sig munnlega skýrt og hnökralaust um málefni sem hann hefur kynnt sér
    • skilja sér til gagns þegar fjallað er um flókið efni
    Nemandi skal geta hagnýtt þá almennu þekkingu og leikni sem hann hefur aflað sér til að:
    • beita málinu af lipurð og kunnáttu til að geta tekið fullan þátt í umræðum og rökræðum þar sem fjallað er fræðilegt efni
    • flytja vel uppbyggða frásögn, kynningu eða greinagerð, draga fram aðalatriði og rökstyðja mál sitt með dæmum og bregðast við fyrirspurnum
    • skrifa texta með röksemdarfærslu þar sem fram koma rök með og á móti og þau eru vegin og metin
    • nýta sér nýjan orðaforða í ræðu og riti
    Námsmat er útfært í kennsluáætlun í samræmi við skólanámskrá.