Megináhersla er lögð á að nemendur tileinki sér undirstöðuatriði tungumálsins: Strax frá upphafi eru nemendur þjálfaðir í lesskilningi ásamt samskiptaþáttunum tali, hlustun og ritun. Áhersla er lögð á réttan framburð, uppbyggingu orðaforða og að þjálfa grunnatriði málfræðinnar. Fléttað er inn í kennsluna menningu frönskumælandi landa. Til að þjálfa þessi atriði er hægt að taka mið af eftirfarandi:
Nemandi skal hafa öðlast þekkingu og skilning á:
almennum grunnorðaforða
framburði, áherslum og hljómfalli
grunnatriðum málfræðinnar / málkerfisins
menningu frönskumælandi landa
Nemandi skal hafa öðlast leikni í að:
skilja talað mál þegar talað er hægt og skýrt
fylgja fyrirmælum kennara
þekkja algengustu kveðjur og ávörp
skilja stutta texta með einföldum orðaforða, sem tengist honum, umhverfi hans og áhugamálum
taka þátt í einföldum samræðum
segja frá fjölskyldu sinni og sjálfum sér, nánasta umhverfi og daglegum athöfnum
skrifa stuttan texta
beita helstu málfræðireglum
vinna sjálfstætt og með öðrum
Nemandi skal geta hagnýtt þá almennu þekkingu og leikni sem hann hefur aflað sér til að:
greina upplýsingar sem hann heyrir eða les
tjá sig um tiltekin málefni eða taka þátt í einföldum samræðum
tjá sig á viðeigandi hátt eftir aðstæðum, t.d. með því að nota þérun eða viðeigandi kurteisisávörp
koma einhverju tilteknu á framfæri skriflega, t.d. upplýsingum á eyðublöð eða að skrifa póstkort
Annareinkunn gildir 40% á móti lokaprófi sem gildir 60%. Inn í annareinkunn reiknast verkefni, hlutapróf, munnleg próf og hlustunarpróf sem tekin eru jafnt yfir önnina.