Áfanginn er grunnáfangi í umhverfisfræði þar sem markmiðið er að kynna fyrir nemendum hin fjölbreytilegu svið umhverfismála. Fjallað verður um náttúruauðlindir og margvíslega nýtingu þeirra. Nemendur kynnast margþættum orsökum og afleiðingum aukins umhverfisálags. Rætt verður um mengun, loftlagsbreytingar og áhrif þeirra. Einnig verður fjallað um uppblástur og eyðimerkurmyndun sem helsta umhverfisvanda Íslands. Leiðir verða kynntar til að bæta og varðveita landgæði. Skoðaðir verða möguleikar skógræktar og landgræðslu með tilliti til gróðurhúsaáhrifa og bindingar kolefnis úr andrúmsloftinu. Helstu alþjóðasamþykktir á sviði umhverfismála verða skoðaðar og rætt hvaða stjórnunartækjum hægt er að beita á þessu sviði. Í áfanganum er lögð áhersla á að nemendur verði meðvitaðri um þátt einstaklinga í umhverfisvernd
SNAT1SN10
Nemandi skal hafa öðlast þekkingu og skilning á:
helstu þáttum í sögu umhverfisfræðinnar og þróun hennar sem fræðigreinar
mikilvægum hugtökum umhverfisfræðinnar t.d. hvað felist í sjálfbærni
mengun í lofti, vatni og jarðvegi
loftlagsbreytingum, orsökum og áhrifum þeirra
afleiðingum uppblásturs á Íslandi
hvernig hægt er að draga úr álagi á umhverfið
helstu alþjóðasamningum sem gerðir hafa verið til verndar umhverfinu
Nemandi skal hafa öðlast leikni í að:
afla sér upplýsinga um umhverfismál og geta rætt um þau
meta áhrif daglegra athafna á umhverfi t.d. með því að nýta sér hugtakið vistspor
lýsa helstu umhverfisvandamálum á Íslandi
finna leiðir til þess að draga úr neikvæðum áhrifum manna á umhverfið
Nemandi skal geta hagnýtt þá almennu þekkingu og leikni sem hann hefur aflað sér til að:
mynda rökstudda afstöðu til umhverfismála
taka þátt í umræðum um umhverfismál og nýtingu auðlinda
taka þátt í umræðum um umhverfismál og nýtingu auðlinda
taka ákvarðanir í eigin lífi um umhverfismál
geta túlkað á gagnrýninn hátt upplýsingar um umhverfismál
Fjölbreytt verkefnavinna með leiðsagnarmati og mun námsmatið taka mið af þekkingu, leikni og hæfni nemenda. Matið gæti t.d. samanstaðið af prófum, mati á verkefnum, t.d. ritgerð, skýrslum og fyrirlestrum nemenda, jafningjamati í hópavinnu, dagbókarskrifum nemenda, mati á virkni og þátttöku í umræðum