Fjallað verður um líffræði sem snertir daglegt líf manna. Farið verður yfir helstu hópa lífvera og samspil þeirra við manninn. Algengir sjúkdómar af völdum baktería, veira og frumdýra verða skoðaðir og einnig mikilvægi eðlilegrar bakteríuflóru fyrir heilsu. Skoðaðar verða leiðir til þess að hindra smit og skemmdir á matvælum. Ræddar verða hugsanlegar smitleiðir milli manna og dýra og hvaða umhverfisaðstæður leiða til myndunar nýrra sjúkdóma. Hagnýting örvera í iðnaði, landbúnaði og daglegu lífi verður einnig rædd. Kostir og gallar sveppa verða skoðaðir. Kynntar verða algengustu nytjaplöntur og rætt hvernig nýta má plöntur á ýmsa vegu. Siðferðisleg mál er varða ræktun, erfðabreytingar og aðrar tilraunir á lífverum verður skoðað. Velt verður upp spurningum um fæðuöryggi manna í framtíðinni og hugsanlegar leiðir til þess að tryggja það
SNAT1SN10 eða sambærilegt
Nemandi skal hafa öðlast þekkingu og skilning á:
algengum sjúkdómum sem orsakast af bakteríum, veirum og frumdýrum
hvernig örverur eru nýttar í iðnaði
náttúrulegri bakteríuflóru manna
notagildi sveppa og hvaða hættur eða óþægindi sveppir geta valdið mönnum
helstu nytjaplöntum í landbúnaði og iðnaði
hvernig nýta má efni úr lífverum, t.d. eitur í ýmsum tilgangi
Nemandi skal hafa öðlast leikni í að:
nota smásjá og víðsjá til þess að skoða lífverur
greina lífverur með bókum, lyklum og slíku og meta hvaða lífverur geti verið varasamar
bera saman mismunandi sjúkdóma
meðhöndla matvæli rétt með tilliti til örvera og hugsanlegra sníkjudýra
Nemandi skal geta hagnýtt þá almennu þekkingu og leikni sem hann hefur aflað sér til að:
meta hugsanlega framtíðarmöguleika í nýtingu lífvera
geti tekið afstöðu til siðferðislegra spurninga sem vakna við nýtingu lífvera
leggja mat á það hvort hætta sé á nýjum sjúkdómum vegna samskipta manna og lífvera
geta umgengist lífverur sem hann ekki þekkir á viðeigandi hátt
taka afstöðu til málefna líðandi stundar sem tengjast viðfangsefnum áfangans
Einstaklingsverkefni og hópverkefni af fjölbreyttum toga. Ýmiskonar könnunarpróf, t.d. gagnapróf, heimapróf og hefðbundin könnunarpróf. Nemendafyrirlestrar með jafningjamati. Mat á þátttöku í umræðum og virkni í tímum