Mannkynssaga frá frönsku byltingunni til samtímans
SAGA2SÍ05(AV)
44
saga
kapítalismi í kreppu og stríði, sjálfstæðisbaráttan á Íslandi
Samþykkt af skóla
2
5
AV
Þessi áfangi spannar það skeið sem kennt er við nútíma, frá frönsku byltingunni til líðandi stundar. Þetta eru tímar tæknibreytinga, hugsjóna og hagsmuna sem hafa leitt til kjarabóta, velmegunar og menningarauka en einnig stórstyrjalda og hörmunga á 20. öld. Í áfanganum verða teknir til umfjöllunar nokkrir valdir efnisflokkar, t.d. hversdagslíf og hugmyndastefnur á 19. öld, tilraunir manna til að breyta heiminum og lífsskilyrðum sínum til hins betra. Áhersla á að tengja námsefnið reynsluheimi nemanda og auka víðsýni hans.
SAGA1NM05 eða sambærilegur áfangi
Nemandi skal hafa öðlast þekkingu og skilning á:
tímabilaskiptingu menningarsögunnar frá upphafi til nútímans
helstu hugtökum og persónum sem tengjast þeim viðfangsefnum sem fjallað verður um í áfanganum
tegundum heimilda og helstu vinnubrögðum við heimildaleit og heimildanotkun
samhengi sögunnar og hvernig fortíðin birtist okkur og lifir í nútíðinni
Nemandi skal hafa öðlast leikni í að:
vinna með heimildir
tjá sig um viðfangsefni menningarsögunnar
vinna jafnt sjálfstætt og með öðrum að viðfangsefnum
nota ólík miðlunarform til að koma þekkingu sinni á framfæri
Nemandi skal geta hagnýtt þá almennu þekkingu og leikni sem hann hefur aflað sér til að:
meta söguleg fyrirbæri út frá forsendum hvers tíma og sjá tengsl þeirra við nútímann
tjá sig um menningarsöguleg álitamál
deila þekkingu sinni með öðrum
sýna frumkvæði og skapandi hugsun
beita gagnrýninni hugsun á viðfangsefni sögunnar
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.