Um er að ræða byrjunaráfanga í félagsfræði sem kynnir félagsvísindi fyrir nemendum. Meginmarkmið áfangans er að nemendur átti sig á því hvernig samfélagið hefur áhrif á þá og hvernig þeir geta haft áhrif á samfélagið.
Lögð er áhersla á að nemendur skilji umhverfi sitt og verði færir um að taka virkan þátt í samfélagslegri umræðu og mynda sér skoðun á meðvitaðan og gagnrýninn hátt
Nemandi skal hafa öðlast þekkingu og skilning á:
viðfangsefnum og hugtökum félagsfræðinnar sem tengjast námsefninu
helstu aðferðum félagsfræðinnar
þeim félagslegu stofnunum sem hafa áhrif á líf hans t.d. fjölskyldan, trúarbrögð, efnahagskerfið og stjórnkerfi
hvernig hann getur haft áhrif á félagslegar stofnanir
réttindum og skyldum hans gagnvart samfélaginu
félagslegri sjálfbærni
Nemandi skal hafa öðlast leikni í að:
beita algengustu hugtökum félagsvísinda á skýran og skilmerkilegan hátt
afla fjölbreyttra gagna
lesa og skilja umfjöllun um félagsfræðileg málefni
beita öguðum vinnubrögðum, taka ábyrgð á eigin námi og vinna í samvinnu við aðra
tjá sig í ræðu og riti um samfélagsleg málefni
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig skipulega og gagnrýnið um einstaka efnisþætti
taka þátt í umræðum um samfélagsleg málefni og mynda sér skoðanir sem byggjast á gagnrýnni hugsun
afla sér upplýsinga, greina helstu atriði þeirra og hagnýta sér þær
hagnýta Netið til að afla sér þekkingar um félagsfræðileg viðfangsefni
tjá sig skipulega og gagnrýnið um samfélagsleg álitamál
setja sig í spor annarra
Námsmat byggist á leiðsagnarmati, en fjölbreytt verkefni eru metin jafnt og þétt yfir önnina. Áhersla er lögð á umsagnir sem leiða nemandann áfram. Engin skrifleg lokapróf eru í þessum áfanga.