Þeir læra að meta ástand vélarhluta og greina bilanir ásamt því að aflmæla og stilla dísilvél. Þeir öðlast hæfni í að setja upp vélbúnað og rétta hann af samkvæmt lýsingu, taka í sundur og setja saman dælur, skilvindur, gangráða og annan vélbúnað sem tengist störfum vélvirkja í skipum og iðnfyrirtækjum.
AVVI3UV05, VÉLF3FA05 (AVV3A05 og VÉL3A05)
Nemandi skal hafa öðlast þekkingu og skilning á:
mati á slitnum vélarhlutum.
uppsetningu og afréttingu á aflvélum og öðrum vélbúnaði.
mati á ástand aflvéla og hjálparvélbúnaðar.
rekstri aflvéla sem hafa áhrif á umhverfið.
kerfisbundnu viðhaldi aflvéla og hjálparvéla.
helstu aðferðum sem notaðar eru við prófanir og reynslukeyrslu aflvéla í skipum og þungavinnuvélum.
helstu gerðum skrúfubúnaðar sem notaður er í íslenskum skipum.
helstu gerðum vindu og stýrisbúnaðar.
helstu gerðum af dælum.
TPM, uppsetningu og viðhaldi kerfisins.
Nemandi skal hafa öðlast leikni í að:
meta ástand slitinna vélarhluta út frá mælingum og skoðun.
meta ástand aflvéla og hjálparvéla.
greina algengar bilanir í aflvélum með skoðun, mælingum og reynslukeyrslu.
stilla tíma á eldsneytisdælum og lokum á díselvélum.
rétta af aflrás og ganga tryggilega frá henni (t.d. á dælum við annan vélbúnað).
setja upp og tengja vélrænan hluta öryggiskerfa fyrir aflvélar.
gera grein fyrir helstu þáttum kerfisbundins viðhalds.
prufukeyra og meta ástand aflvélar skips eða þungavinnutækis.
útskýra hlutverk skiptiskrúfubúnaðar.
Nemandi skal geta hagnýtt þá almennu þekkingu og leikni sem hann hefur aflað sér til að:
meta eldsneytiskostnað við keyrslu á aflvélum sem metið er með verkefnum og prófum.
setja upp vélbúnað og annast rekstur hans sem metið er með verkefnum, skýrslugerð og prófum.
lesa teikningar sem tengjast vökva- og kælikerfum sem metið er með verkefnum og prófum.
skipuleggja og framkvæma fyrirbyggjandi viðhald sem metið er með skýrlsugerð, verkefnum og prófum.
meta ástand vélbúnaðar sem metið er með verkefnum og prófum.
gæta fyllsta öryggis við umgengni við aflvélar og hjálparvélar sem metið er með verklegum æfingum, skýrslugerð og prófum.
Verkefnavinna bæði verkleg og bókleg, skyndipróf, skýrslugerð og lokapróf. Áhersla lögð á samvinnunám og jafningjamat.