Í þessum fyrsta áfanga í eðlisfræði er byrjað á því að láta nemendur vinna með hugtök og þekkingu úr grunnatriðum aflfræði og ljósgeislafræði. Samtímis því eru nemendur þjálfaðir í þeim vinnubrögðum sem notuð eru í þessari grein. Nemendur vinna bæði sjálfstætt og saman í hópum og lögð er áhersla á sjálfstæði og ábyrgð nemandans á eigin námsframvindu.
STÆR2FJ05
Nemandi skal hafa öðlast þekkingu og skilning á:
því hvað felst í vísindalegri aðferð.
SI-kerfinu og SI-einingum stærða sem unnið er með.
helstu hugtökum sem notuð eru í hreyfifræði, aflfræði og ljósgeislafræði.
einföldum kraftmyndum, sérstaklega í skáplani og láréttu plani.
hreyfilögmálum Newtons.
vélrænni orku og heildarorku, ásamt varðveislu þeirra.
Nemandi skal hafa öðlast leikni í að:
fara með tölur og vigra í eðlisfræði og í vísindalegum vinnubrögðum.
beita lögmálum og jöfnum við að leysa verkefni af ýmsu tagi.
leiða út með rökrænum hætti jöfnu fyrir samband stærða frá gefnum forsendum.
framkvæma verklegar æfingar og vinna úr mæliniðurstöðum þeirra.
Nemandi skal geta hagnýtt þá almennu þekkingu og leikni sem hann hefur aflað sér til að:
sýna sjálfstæði í vinnubrögðum.
nota námsefni og gögn á markvissan hátt.
yfirfæra þekkingu úr öðrum greinum til að auðvelda námið.
meta hvort niðurstöður útreikninga og mælinga séu raunhæfar.
tengja eðlisfræðina við daglegt líf og umhverfi og gera sér grein fyrir notagildi hennar.