Í áfanganum kynnast nemendur listum og menningu samtímans á Íslandi og völdum stöðum erlendis. Nemendur skoða ýmsa þætti listalífsins, s.s. myndlist, hönnun, leiklist, ljósmyndun, dans, kvikmyndir og tónlist, hvern í samhengi við annan og við félagslegt og heimspekilegt umhverfi .
Vettvangsferðir á listviðburði skipa stóran sess í þessum áfanga þar sem nemendur eiga að skila rökstuddri, faglegri gagnrýni eða umræður verða um viðburðina.
Nemendur þjálfast í að vinna sjálfstætt og með öðrum í að afla sér þekkingar af netinu, úr bókum, fjölmiðlum, sýningarferðum o.fl. og vinna fjölbreytt verkefni og kynningar í máli, myndum og hljóði fyrir samnemendur sína. Nemendur gera myndband um samtímalistamann og vinna með þá þekkingu sem þeir fengu í MENN1SO05, hvernig taka á myndband og klippa það til kynningar með innskotum eins og stiklum, ljósmyndum og tónlist.
Nemendur vinna einnig verkefni með áherslu á hvernig hönnuðir og myndlistarmenn vinna.
Í áfanganum verður fram haldið þeirri vinnu með texta sem lagður var grunnur að í áfanganum MENN1SO05 en hér verður áhersla lögð á texta þar sem fjallað er um menningu samtímans.
Samræður skipa stóran sess í áfanganum og nemendur fá þjálfun í að skrifa texta um eigin verk og annarra þar sem orðaforðinn er nýttur.
MENN2SO05
Nemandi skal hafa öðlast þekkingu og skilning á:
menningu samtímans á Íslandi og í öðrum löndum
orðræðu sem notuð er þegar fjallað er um menningu og listir í samtímanum
fjölbreytileika samtímamenningar
samhengi listar, samfélagsgerðar og tíðaranda
Nemandi skal hafa öðlast leikni í að:
vinna rannsóknarvinnu og koma henni frá sér á fjölbreyttan hátt
beita rökstuddri gagnrýni við umfjöllun um ólíka listviðburði
lesa, skilja og greina texta annarra um menningu og listir
skrifa texta þar sem fjallað er um listviðburði á vitsmunalegan og gagnrýninn hátt og þar sem rými er gefið fyrir tilfinningar og innsæi
taka þátt í samræðum um menningu og listir í samtímanum
Nemandi skal geta hagnýtt þá almennu þekkingu og leikni sem hann hefur aflað sér til að:
skrifa texta um ólíka þætti samtímamenningar ...sem er metið með... ferilmöppu
hafa áhrif á og taka þátt í umræðu um menningu samtímans ...sem er metið með... ferilmöppu og munnlegri tjáningu
fjalla um og þróa eigin sköpun ...sem er metið með... ferilmöppu og munnlegri tjáningu
njóta og skilja listir og menningu ...sem er metið með... munnlegri framsögn
Áfanginn er símatsáfangi þar sem nemendur skila ferilmöppu með öllum verkefnum sem ásamt ástundun og virkni í tímum og umræðum liggur til grundvallar einkunn.