Flatarteikning, fallmyndun, yfirborðsútflatning og fríhendisteikning
Samþykkt af skóla
2
5
Í áfanganum er lögð áhersla á að nemandinn hljóti áframhaldandi þjálfun í teiknifræðum. Áfanginn skiptist í þrjá meginþætti: flatarteikningu, fallmyndun og yfirborðsútflatninga og fríhendisteikningu. Nemandinn öðlast frekari hæfni í meðferð og notkun mæli- og teikniáhalda, tölvuteikniforrita, myndrænni vinnu með viðfangsefni starfsgreina, lestri og gerð vinnuteikninga, fríhendisrissteikninga, gerð flatarmynda og útflatninga. Áfanginn er undirbúningur fyrir fagbundið nám í teiknifræðum.
GRUN1AU05 (GRT1A05)
Nemandi skal hafa öðlast þekkingu og skilning á:
upplýsingamiðlun með tæknilegum teikningum.
nákvæmri myndrænni úrlausn viðfangsefna starfsgreina, s.s. hönnunar og iðngreina.
lestri og gerð einfaldra tæknilegra vinnuteikninga með hornréttum fallmyndum.
því að setja út og teikna flatarfræðileg form og tvívíðar vinnufyrirmyndir.
gildi frumforma fyrir teikningu og mótun viðfangsefna faggreina, s.s. hönnunar og iðngreina.
hornréttum fallmyndum ásamt sneiðmyndum af reglulegum rúmfræðilegum frumformum og sneiðskorningum.
Nemandi skal hafa öðlast leikni í að:
nota teikni- og mæliáhöld.
lesa og teikna fallmyndir af reglulegum rúmfræðilegum frumformum og sneiðskorningum með sérstöku tilliti til greiningar og myndunar raunstærða á línum og flötum.
teikna yfirborðsútflatningsmyndir af reglulegum rúmfræðilegum frumformum og sneiðskorningum.
hagnýta formskyn sitt.
gera einfaldar tvívíðar fríhendisteikningar.
teikna hornréttar fallmyndir ásamt sneiðskorningum af reglulegum rúmfræðilegum frumformum.
Nemandi skal geta hagnýtt þá almennu þekkingu og leikni sem hann hefur aflað sér til að:
skipuleggja, árita og ganga frá tæknilegum teikningum og miðla upplýsingum á skilvirkan hátt sem metið er með verkefnavinnu og prófum.
setja út og teikna einföld flatarfræðileg form og einfaldar tvívíðar vinnufyrirmyndir fyrir smíðisgripi með teikni- og mæliáhöldum. Metið með verkefnum og prófum.
skipuleggja vinnublað, árita með teikniskrift og ganga frá flatarteikningum þannig að vinna megi eftir þeim. Metið með verkefnum og prófum.
gera hjálparfallmyndir og hjálparteikningar til að fá fram raunstærðir á línum og flötum sem ekki birtast sem slíkar á hornréttum fallmyndum af reglulegum rúmfræðilegum frumformum. Metið með verkefnum og prófum.
gera yfirborðsútflatningsmyndir af reglulegum rúmfræðilegum frumformum og sneiðskorningum eftir hornréttum fallmyndum sem metið er með verkefnum og prófum.
skipuleggja vinnublað, árita með teikniskrift og ganga frá hornréttum fallmyndum ásamt hjálparfallmynd og útflatningsmynd skv. reglum, stöðlum og venjum. Þetta er metið með verkefnum og prófum.
teikna fríhendis vinnuteikningar með hornréttum fallmyndum, sneiðmyndum og málsetningum af einföldum hlutum á vinnublöð, án annarra mæli- og hjálpartækja en blýantsmælingar, skv. reglum, stöðlum og venjum. Þetta er metið með verkefnum og prófum.
skipuleggja, árita með teikniskrift og ganga frá fríhendis vinnuteikningum skv. reglum, stöðlum og venjum sem metið er með verkefnum og prófum.
teikna fríhendis tvívíðar útlínumyndir eftir einföldum fyrirmyndum sem horft er á úr fjarlægð á vinnublöð, án annarra mæli- og hjálpartækja en sjón- og blýantsmælingar. Metið með verkefnum og prófum.
Námsmat byggir á verkefnavinnu nemenda. Stuðst verður við jafningja- og sjálfsmat. Kennari skoðar verkefni hvers nemanda reglulega og gefur markvissa endurgjöf (leiðsagnarmat). Nemendur taka stutt próf úr afmörkuðum þáttum námsefnisins.