Framhaldsáfangi í forritun. Nemendur fá meiri þjálfun í forritun í hlutbundna forritunarmálinu C#. Áhersla er lögð á sjálfstæð vinnubrögð við lausnir fjölbreyttra forritunarverkefna. Meðal viðfangsefna eru fylki, klasar og aðferðir, strengjavinnsla, atburðastýrð forritun í myndrænum notendaskilum, skráarvinnsla og villumeðhöndlun. Kennt verður í dreifnámi/fjarnámi í Moodle kennslukerfinu ef nægur fjöldi fæst ekki til að standa undir staðnámi.
TÖLV1FA05
Nemandi skal hafa öðlast þekkingu og skilning á:
Hugtökum og ritreglum sem tengjast eftirfarandi gagnaskipan: Fylkjum, klösum, aðferðum, strengjavinnslu, villumeðhöndlun og skráavinnslu.
Hugtökum og orðaforða atburðastýrðrar forritunar í C#.
Helstu hugtökum myndrænna notendaskila í Windows.
Nemandi skal hafa öðlast leikni í að:
Sjálfstæðum vinnubrögðum við forritun.
Vali á viðeigandi gagnaskipan.
Gerð aðferða í því skyni að stytta forritskóða.
Uppskiptingu forrits í aðalforrit og aðferðir.
Gerð sjálfstæðra klasa, tilviksaðferða og klasaaðferða.
Þýðingu og keyrslu forrita í myndrænum notendaskilum.
Nemandi skal geta hagnýtt þá almennu þekkingu og leikni sem hann hefur aflað sér til að:
Leysa forritunarverkefni í myndrænum notendaskilum.
Leysa forritunarverkefni með því að beita klasaforritun, aðferðum og atburðadrifinni forritun.
Styrkja eigin hæfni í forritun með því að nýta upplýsingar í kennslubókum og á netinu.
Haldið áfram forritunarnámi sínu og tekist á við þyngri verkefni í framhaldsáfanga.
Verkefnaeinkunn gildir 15% af lokaeinkunn. Stöðupróf gilda 5% af lokaeinkunn. Skriflegt lokapróf gildir 80% af lokaeinkunn.