Nemendur geta lagt rörakerfi samkvæmt ísómetrískum teikningum. Jafnframt skulu þeir vera einfærir um að teikna og útfæra smíða- og lagnateikningar fyrir einstök verkefni. Þeir skulu þekkja efnisstaðla um rör, suðufittings, flangsa, bolta og pakkningarefni og geta upp á eigin spýtur valið smíðaefni til skilgreindra verka. Ennfremur geta þeir skipulagt vinnu sína m.t.t. krafna um gæði, öryggi og umhverfi.
Engar
Nemandi skal hafa öðlast þekkingu og skilning á:
þeim öryggismálum sem snerta stálsmiði, s.s. réttri líkamsbeitingu og réttri notkunn vinnupalla og hlífðarbúnaðar.
forsendum fyrir vali lagnaefnis.
aðferðum við þrýstiprófanir á rörakerfum og öryggisráðstöfunum við slíkar prófanir.
Nemandi skal hafa öðlast leikni í að:
leggja rörakerfi samkvæmt ísómetrískum teikningum.
lesa og vinna eftir teikningum.
Nemandi skal geta hagnýtt þá almennu þekkingu og leikni sem hann hefur aflað sér til að:
leggja rörakerfi samkvæmt ísómetrískri teikningu.
gera einfaldar ísómetrískar teikningar, málsetja þær, velja efni og leggja rörakerfi samkvæmt þeim.
sníða til rör og sett þau saman fyrir suðu.
ganga frá flöngsum á röralögnum á fullnægjandi hátt.
Próf, skýrslur og mat á vettvangi. Kostir leiðsagnarmats eru nýttir.