Það kom upp villa
senda inn
Áfangi
Áfangi Nánari upplýsingar
Lagnatækni blikksmiða
Lagnatækni blikksmiða
Uppsetning og umsjón
Að áfanganum loknum eiga nemendur að hafa öðlast þekkingu og færni í uppsetningu og umsjón loftræstikerfa, stokka, loftræstitækja og stjórntækja.
Grunnur málmiðna
Nemandi skal hafa öðlast þekkingu og skilning á:
- aðferðum til að hindra að regn og snjófjúk komist í loftræstikerfi.
- frágangi hljóðeinangrun innan í loftstokkum.
- titringsvörnum vegna titrings frá vélum í lagnakerfinu.
- helstu aðferðum til að uppfylla kröfur um þéttleika sem gerðar eru til loftræstikerfa.
- tilgangi hitaeinangrunar og rakavarnalaga á loftstokkum.
- tilgangi eldvarnar og reykloka í loftstokkakerfi.
- mismunandi gerðum múrbolta og annarra festinga fyrir upphengingar loftstokka.
- mismunandi samsetningum sem notaðar eru við loftstokka, bæði kantaðra og sívalra.
- samsetningum sem notaðar eru fyrir efnisflutningslagnir.
- öryggisatriðum og vinnuverndarákvæðum sem gilda um vinnu við mannvirkjagerð.
- eðli og eiginleikum hita-, raka- og loftmagnsstýringa í húshita- og loftræstikerfum.
Nemandi skal hafa öðlast leikni í að:
- ganga frá hljóðeinangrun innan í loftstokkum.
- mæla upp af teikningum og merkja upp fyrir lögnum (stokkum) og tækjum.
- Valið einangrunarþykktir fyrir mismunandi aðstæður í stokkakerfinu.
- ákveða gerð, styrk og þéttleika festinga fyrir loftstokka og samstæður.
- mæla þéttleika loftstokkakerfis og gera mæliskýrslu.
Nemandi skal geta hagnýtt þá almennu þekkingu og leikni sem hann hefur aflað sér til að:
- setja upp og hafa umsjón með loftræstikerfi.
- ganga frá eldvarnarlokum og einangrun loftstokka sem rjúfa mismunandi eldvarnarlokanir (veggi) og þéttingum með stokkum gegnum eldvarnarskilrúm.
- velja efnisþykktir fyrir mismunandi loftstokka- og rörastærðir í venjulegu lág- og meðalþrýstu loftræstikerfi.
- haga vinnu sinni í samræmi við reglugerðir og staðla sem fjalla um uppsetningu og frágang loftræstikerfa.
Próf, skýrslur og mat á vettfangi. Kostir leiðsagnarmats eru nýttir.