Það kom upp villa senda inn  Áfangi

    Áfangi Nánari upplýsingar


    Búið til: 1429191195.8

    Loftræstitækni 2 fyrir blikksmíði
    LOFT3HL05
    1
    Loftræstitækni
    Hljóðmyndun og hljóðburður í stokkakerfum
    Samþykkt af skóla
    3
    5
    Námið byggir á fyrirlestrum, vettvangsferðum þar sem það á við og verklegum æfingum. Fjallað verður um hljóðmyndun og hljóðburð í stokkakerfum, hljóðeinangrun, stillingu loftræstikerfa, mælingar á hita, raka og loftmagni og aðferðir við loftstillingar. Einnig er farið yfir hlutverk rafvéla í loftræstikerfum og virkni og hlutverk ýmissa rafstýrðra íhluta. Nemendur skrifa skýrslur og gera útreikninga.
    LOFT2TL05 (LOF2A05)
    Nemandi skal hafa öðlast þekkingu og skilning á:
    • hljóðmyndun og hljóðburð í stokkakerfum.
    • helstu aðferðum til að hindra hljóðútbreiðslu frá tækjabúnaði loftræstikerfa.
    • aðferðafræði við innstillingu og afhendingu loftræstikerfa.
    • tækjum og búnað til loftmagns-, hita- og rakamælinga í loftræsti- og hitakerfum, gerð þeirra, eiginleikum og takmörkunum.
    • fráviks- og skekkjureikningum við mælingar í loftræstikerfum.
    • kvörðun mælitækja.
    • tækjum og aðferðum til loftmagnsstillinga, mælinákvæmni og helstu skekkjuvöldum þar að lútandi.
    • muninum á eins og þriggja fasa rafstraumi.
    • hraðastýringum fyrir blásara.
    • raftáknum sem notuð eru á teikningum af loftræstikerfum.
    Nemandi skal hafa öðlast leikni í að:
    • lofmagnsstilla loftræstikerfi.
    • stilla inn ristar af mismunandi gerðum í sama stokkakerfinu.
    • nota kvörðunartöflur og línurit við mælingar í loftræstikerfum.
    • reikna frávik og meta líklegar skekkjur mælinga á loftmagni.
    • mæla rafspennu og viðnám í rafstýrðum hlutum loftræstikerfa.
    Nemandi skal geta hagnýtt þá almennu þekkingu og leikni sem hann hefur aflað sér til að:
    • hafa yfirumsjón með lokafrágangi loftræstikerfa sem metið er með verkefnum og skýrslum.
    • lesa vörulista helstu ristaframleiðenda og gera grein fyrir helstu áhrifavöldum við val á ristum og dreifurum, svo sem leiðréttingastuðlum vegna staðsetningar. Þetta er metið með verkefnum, prófum og skýrslugerð.
    • beita mismunandi aðferðum við innstillingu (jafnvægisstillingu) loftræstikerfa, svo sem forinnstilliaðferð og hlutfallsaðferð en það er metið með verklegum æfingum og skýrslum.
    • meta þörf fyrir jafnvægisspjöld í loftræstikerfi á grundvelli teikninga af kerfinu sem metið er með verklegum æfingum og prófum.
    • Geta valið mælipunkta við mælingu mismunandi þversniðsforma sem metið er með prófum, verkefnum og skýrslugerð.
    Nemendur vinna verkefni og taka próf tengd vettvangsferðum og umræðum í tímum. Nemendur vinna skýrslur bæði í smærri hópum og sjálfstætt. Kostir jafningja- og leiðsagnarmats eru nýttir.