Nemendur læra að umgangast gashylki, logsuðu- og logskurðartæki. Þeir læra að fylgja suðulýsingu, logsjóða plötujárn í suðustöðum PA, PG og PF með I-rauf. Þeir geta lóðað og logskorið fríhendis og kunna að bregðast rétt við ef hættu ber að höndum.
Engar
Nemandi skal hafa öðlast þekkingu og skilning á:
gashylkjum, meðferð þeirra, lit og toppventlum.
notkunarsviði asetýlens og súrefnis.
suðuloga, blöndu hans og hitastigi.
áhrifum kolandi loga, súrefnisríks og hlutlauss loga á suðupollinn.
gerðum raufa og samsetninga og áhrifum þeirra á spennu.
ástæðum þess að ekki er hægt að logskera alla málma.
virkni lóða og lóðdufts.
staðli ÍST EN 287-1 um hæfnispróf.
staðli ÍST EN 25 817 um mat á suðum og suðugöllum.
öryggismálum.
Nemandi skal hafa öðlast leikni í að:
sjóða 0.8-3 mm plötustál með I-rauf í PA, PF og PG.
Nemandi skal geta hagnýtt þá almennu þekkingu og leikni sem hann hefur aflað sér til að:
setja upp mæla á hylki, slöngur og sköft.
stilla réttan vinnuþrýsting og velja suðuspíssa samkvæmt efnisþykkt.
nota suðulóð og lóðduft.
logskera stál fríhendis.
gera sjónmat samkvæmt ÍST EN 25 817.
Námsmat byggir á verkefnavinnu og prófum. Kostir leiðsagnarmats eru nýttir.