Nemendur læri MIG/MAG-suðu í ýmsum efnisþykktum. Þjálfuð er grunnfærni og þekking á ýmsum suðuaðferðum þannig að nemendur þekki mun á suðuaðferðum, notagildi þeirra, kostum og göllum.
Engar
Nemandi skal hafa öðlast þekkingu og skilning á:
gastegundum og gasblöndum sem notaðar eru við suðu á stáli, áli og ryðfríu stáli.
hlutverki hlífðargass og réttar stillingar.
öllum hlutum suðubyssu og leiðara fyrir MIG/MAG.
virkni suðutækja, drifbúnað og pólun.
virkni viðnámsspólu í MIG/MAG-suðutækjum.
brunahættu vegna straumleiðara.
helstu hættum og varúðarráðstöfunum vegna geislunar, hita, reyks, ósonmyndunar og eldfimra efna.
hlífðarfatnaði og hlífum við vinnu.
Nemandi skal hafa öðlast leikni í að:
meðhöndla búnað til suðu.
sjóða saman hluti við ýmsar aðstæður.
stilla suðutæki, þ.e. straum, vírhraða, spennu og viðnám.
velja rétta spíssa.
stilla gasflæði, velja gashulsu og skaut.
Nemandi skal geta hagnýtt þá almennu þekkingu og leikni sem hann hefur aflað sér til að:
stilla suðutækin, þ.e. straum, vírhraða, spennu og viðnám sem er metið með verkefnavinnu.
setja rúlluvír í suðutækin og velja rétta spíssa sem er metið með verkefnavinnu og prófi.
stilla gasflæði, velja gashulsu og skaut sem er metið með verkefnavinnu.
sjóða í mismunandi suðustöðum sem er metið með verkefnavinnu.
gegnumsjóða þunna stálplötu öðrum megin frá sem er metið með verkefnavinnu og prófi.
meta algengustu suðugalla og greint orsakir þeirra sem er metið með verkefnavinnu og prófi.
Nemendur vinna verkefni og eru þau metin til einkunnar. Nemendur þreyta lokapróf í áfanganum þar sem lögð er áhersla á öryggisþætti.