Kennt er á hefðbundinn rennibekk, fræsivél og borvél. Kennslan er einstaklingsmiðuð og eru öryggismál veigamikill þáttur námsins. Samhliða verklegri kennslu er bókleg kennsla. Námið byggir á verkefnalausnum, verk- og bóklegum.
Engar
Nemandi skal hafa öðlast þekkingu og skilning á:
öryggismálum og umhirðu spóntökuvéla.
mismunandi hlutum spóntökuvélanna, tilgangi þeirra og möguleikum.
stillimöguleika rennibekkjarins við mismunandi verkþætti.
helstu uppspenniaðferðum í rennibekk og fræsara.
muninum á mismunandi gerðum rennistáls og í hvaða tilgangi þau eru notuð.
mikilvægi þess að gæta ávallt fyllsta öryggis þegar unnið er með spóntökuvélar.
Nemandi skal hafa öðlast leikni í að:
leysa einföld verkefni í rennibekk innan 0,1 mm málvika.
skrúfuskera með tappa og bakka í rennibekk.
skrúfuskera öxul með skrúfuskurðarstáli.
fræsa mismunandi kanta á öxul ásamt því að fræsa kílspori.
sinna umhirðu rennibekks og fræsivélar á fullnægjandi hátt.
Nemandi skal geta hagnýtt þá almennu þekkingu og leikni sem hann hefur aflað sér til að:
gæta ávallt fyllsta öryggis þegar unnið er við spóntökuvélar.
reikna út snúnings- og skurðhraða samkvæmt töflum.
finna réttan skurð- og snúningshraða og velja rétt verkfæri við lausn mismunandi verkefna.
leita ráða hjá reyndum mönnum þegar það á við.
gera stutta greinargerð um verkefni sem unnin eru þar sem fram koma upplýsingar um efnistök, véla -og verkfæraval, framvindu verks og vinnslutíma.
Hlutlægt mat á verkefnum og greinargerðum nemenda og ástundun.