Í áfanganum öðlast nemendur færni í tæknilegum útreikningum sem notaðir eru við smíði á flóknum hlutum, s.s. rennsli strýta, laggaskrúfa, trapisuskrúfa með einum inngangi og fjölskrúfa. Einnig kynnast þeir áhrifum hita við spóntöku á vinnslustykki og skurðarverkfæri.
Nemendur geta skrifað verklýsingar af þeim vinnslustykkjum sem þeir smíða og geta unnið sjálfstætt á vélum eftir teikningum.
RENN2KV05 (REN2A05)
Nemandi skal hafa öðlast þekkingu og skilning á:
kröfum um samsetningar og yfirborðsáferð.
orkuþörf rennibekkja.
skrúfustöðlum fyrir lagga- og trapisuskrúfur.
áhrifum af hita á efni og samsetningar.
hitaþenslu.
áhrifum kælivökva við spóntöku.
Nemandi skal hafa öðlast leikni í að:
velja rennistál við hæfi.
velja fræsa/fræsiplatta við hæfi.
vinna sjálfstætt á vélum eftir nokkuð flóknum teikningum.
fræsa flókna hluti í skrúfstykki og með notkun deilivélar.
leita að upplýsingum í handbókum og á netinu.
Nemandi skal geta hagnýtt þá almennu þekkingu og leikni sem hann hefur aflað sér til að:
velja harðmálmsverkfæri ásamt radíal, færslu og skurðarhraða.
velja rétt verkfæri sem henta hverju sinni með tilliti til vinnsluaðferðar og smíðaefnis.
reikna yfirborðsáferð eða finna hana í fagbókum eða á netinu.
renna og fræsa mismunandi yfirborð m.t.t áferðamerkinga.
slípa stál fyrir rennsli á laggar- og trapisuskrúfum.
reikna út fríhorn stála fyrir skrúfuskurð lagga og trapisuskrúfa.
velja kíla til samsetningar samkvæmt staðli.
Námsmat byggir á verkefnavinnu og prófum. Leiðsagnarmat er nýtt eins og kostur er.