Í áfanganum öðlast nemendur enn frekari færni í tæknilegum útreikningum sem notaðir eru við smíði á flóknum hlutum. Nemendur kynnast áhrifum hita við spóntöku á vinnslustykki og skurðarverkfæri. Nemendur geta skrifað verklýsingar fyrir þau vinnslustykki sem þeir smíða og geta unnið sjálfstætt á vélum eftir teikningum
RENN3FF05 (REN3B05)
Nemandi skal hafa öðlast þekkingu og skilning á:
orkuþörf rennibekkja.
mismunandi smíðaefnum sem þarf til að smíða hluti.
skátenntum tannjólum.
útreikningum á skátenntum tannhjólum.
vinkiltenntum tannhjólum.
hvernig snekkjur eru smíðaðar.
Nemandi skal hafa öðlast leikni í að:
vinna sjálfstætt á vélum eftir flóknum teikningum.
fræsa flókna hluti í skrúfstykki.
nota deilivélar.
framkvæma íhvolfa fræsingu (ellipsu).
leita að upplýsingum í handbókum og á netinu.
Nemandi skal geta hagnýtt þá almennu þekkingu og leikni sem hann hefur aflað sér til að:
velja harðmálmsverkfæri ásamt radíal, færslu og skurðarhraða.
velja rétt verkfæri sem henta hverju sinni.
reikna yfirborðsáferð eða finna hana í fagbókum eða á netinu.
renna og fræsa mismunandi yfirborð m.t.t. áferðarmerkinga.
athugað hvort útreikningar um orkuþörf standist.
þekkja vinnubrögð við rennsli og fræsingu á flóknum smíðisgripum.
skrifa og vinna eftir verklýsingum.
Verkefnavinna og próf. Leiðsagnarmati beitt eins og kostur er.