Nemendur kunna skil á helstu suðuaðferðum, efni og suðuvírum. Þeir geta metið aðstæður til rafsuðu og er ljóst hvernig gæta ber fyllsta öryggis. Nemendur eru færir um að sjóða plötur í öllum suðustöðum (kverksuður) með pinnasuðu, samkvæmt staðlinum ÍST EN 287-1 ( flokkur C). Færni miðast við kverksuðu og grunnatriði suðuferlis. Nemendur geta skráð grunnatriði suðuferlislýsingar. Þeir skulu ná suðugæðum í flokki C samkvæmt ÍST EN 287-1.
Engar
Nemandi skal hafa öðlast þekkingu og skilning á:
helstu suðuaðferðum, afköstum þeirra, hagkvæmni og takmörkunum við mismunandi efnisþykkt og aðstæður (úti eða inni).
eiginleikum mismunandi suða, s.s. styrk þeirra og hættu á suðugöllum.
muninum á suðu með rið- og jafnstraum.
gildi ljósbogaspennu og tómgangsspennu.
staðli um mat á suðum og suðugöllum.
staðli um suðustöður og um hæfnisvottun suðumanna.
staðli um merkingu rafsuðuvíra.
staðli um merkingu stáls, t.d. ÍST EN 22 553.
bruna og sprengihættu, reykflokkun rafsuðuvíra og mikilvægi góðrar loftræstingar.
mismunandi uppbyggingu stáls m.t.t suðuhæfni.
framleiðslu hrájárns og stáls.
óþéttu, þéttu og hálfþéttu stáli.
grunnþáttum málmfræði stáls.
Nemandi skal hafa öðlast leikni í að:
efna niður samkvæmt vinnulýsingu.
stilla upp og sjóða samkvæmt ferillýsingu.
sjóða kverksuður í PB, PF og PG suðustöðum.
stilla suðuvél og velja víra samkvæmt suðuferlum.
Nemandi skal geta hagnýtt þá almennu þekkingu og leikni sem hann hefur aflað sér til að:
fylgja eftir munnlegum og skriflegum fyrirmælum.
sjónmeta suður samkvæmt staðli ÍST EN 287-1.
mæla mál suðu.
útskýra staðlaðar merkingar pinnasuðuvíra.
meta slysa- og brunahættu vegna vinnu sinnar.
finna í bókum, töflum og á netinu upplýsingar um mismunandi efniseiginleika stáls m.t.t suðuhæfni.
meta hvort ástæða sé til að beita hitameðferð með t.d. kolefnisjöfnu.
Námsmat byggir á verkefnavinnu og prófum. Leiðsagnarmati er beitt eftir kostum.