Í áfanganum er fjallað um atferlismótun sem aðferð við markvissa hegðunarstjórnun, þar sem nemendur kynnast grunnatriðum hagnýtrar atferlisgreiningar og beitingu hennar. Fjallað er um hvernig hægt er að nota markvisst jákvæða athygli til að styrkja eftirsóknarverða hegðun og aðferðir til að draga úr óæskilegri hegðun. Fjallað er um hegðunarstjórnunarmódel og grunnhugtök viðbragðsskilyrðingar kynnt. Nemendur fá þjálfun í að greina þætti sem stjórna og viðhalda hegðun. Fjallað er um hvað ber að hafa í huga þegar hegðun er skilgreind og mæld, fyrir og eftir íhlutun. Komið er inn á siðferðilegar spurningar tengdar hagnýtri atferlisgreiningu og atferlisþjálfun. Fjallað er um árangursríkar leiðir til að gera samninga um hegðun við börn og unglinga. Hluti verkefna felst í að nemendur prófa að beita aðferðum atferlismótunar heima og á vettvangi undir leiðsögn kennara.
Nemandi skal hafa öðlast þekkingu og skilning á:
grunnhugtökum virkrar skilyrðingar
atferlisgreiningu
ólíkum tegundum umbunarkerfa
gildi og beitingu jákvæðrar styrkingar og hvað ber að hafa í huga við val á styrkjum og beitingu þeirra
ólíkum tegundum aðferða til að draga úr hegðun, eins og áminningum, tímahléi, hunsun og slokknun
leiðum til að gera samninga um hegðun við börn og unglinga
siðferðislegum álitamálum sem koma upp við beitingu atferlismótunar
ólíkum tegundum atferlismótandi kerfa
gildi jákvæðra viðhorfa og virðingar gagnvart einstaklingum sem unnið er með
mikilvægi samvinnu heimilis og skóla við atferlisþjálfun
grunnhugtökum viðbragðsskilyrðingar
Nemandi skal hafa öðlast leikni í að:
greina aðdraganda, hegðun og afleiðingar hegðunar út frá tilbúnum og raunverulegum dæmum
beita aðferðum eins og markvissri jákvæðri athygli til að auka eftirsóknarverða hegðun í samskiptum við börn og unglinga
beita aðferðum til að draga úr óæskilegri hegðun
skrá, mæla og skilgreina hegðun fyrir og eftir íhlutun
greina hvaða þættir viðhalda óæskilegri hegðun
fjalla um hugtök, gildi og hagnýtingu atferlismótunar í daglegu lífi
ræða álitamál í tengslum við refsingar í atferlismótun
smíða og beita umbunarkerfi
greina þau áreiti og viðbrögð sem eiga sér stað í viðbragðsskilyrðingu
Nemandi skal geta hagnýtt þá almennu þekkingu og leikni sem hann hefur aflað sér til að:
draga úr óæskilegri hegðun og auka eftirsóknarverða hegðun
gera sér grein fyrir gildi jákvæðra viðhorfa og virðingar gagnvart einstaklingum
setja skýr mörk og fylgja þeim eftir
sjá kosti og ókosti mismunandi aðferða í atferlismótun og geta þar af leiðandi valið viðeigandi aðferðir eftir aðstæðum
rökstyðja og draga ályktanir um siðferðileg álitamál tengd atferlismótun
nýta sér atferlismótandi atferðir á starfsvettvangi og heima
Námsmat er útfært í kennsluáætlun í samræmi við skólanámskrá