almenn líkams og heilsurækt, hreyfing, likamsræktarsalur
Samþykkt af skóla
1
1
Áfanginn byggist upp á alhliða hreyfingu og heilsurækt í líkamsræktarstöð og nánasta umhverfi. Nemendur stunda hreyfingu við hæfi þar sem fjölbreytni er í fyrirrúmi. Nemendur vinna mikið sjálfstætt og útbúa eigin þjálfunaráætlun.
ÍÞRÓ1HL02
Nemandi skal hafa öðlast þekkingu og skilning á:
Mikilvægi almennrar heilsuræktar
Markmiðssetningu og uppbyggingu þjálfunaráætlunar.
Mikilvægi réttrar líkamsbeitingar.
Mismunandi þjálfunaraðferðum til eflingar líkama og heilsu.
Mikilvægi þess að nýta nágrenni sitt til útivistar.
Nemandi skal hafa öðlast leikni í að:
Að auka úthald sitt, styrk og liðleika með fjölbreyttum aðferðum sem henta.
Stunda þjálfun og hreyfingu sem hefur áhrif á jákvæða upplifun og viðhorf til líkams- og heilsuræktar.
Sjá tækifæri til hreyfingar undir beru lofti.
Nýta sér undirstöðuatriði líkamsbeitingar í sinni þjálfun.
Nemandi skal geta hagnýtt þá almennu þekkingu og leikni sem hann hefur aflað sér til að:
Hann fái áhuga fyrir því að hreyfa sig ævina á enda þar sem upplifun hans er metin með því að halda hreyfingardagbók.
Velja líkamsrækt við hæfi.
Leysa af hendi verkefni sem snúa að skipulagi eigin þjálfunar sem metið er með því að nemandi útbýr æfingaáætlun.
Takast á við áskoranir daglegs lífs sem metið er með sjálfsprófi.
Styrkja jákvæða sjálfsmynd og hugarfar með þátttöku í almennri heilsurækt og útiveru sem metið er með virkni, áhuga og mætingu í tíma.
Glíma við fjölbreytt verkefni sem snúa að alhliða hreyfingu, líkams- og heilsuræktar.
Nýta sér möguleika í að flétta reglubundna hreyfingu í daglegt líf og starf sem metið er með spurningarlistum.
Nýta sér möguleika til heilsuræktar í nánasta umhverfi og úti í náttúrunni sem metið er með markmiðssetningu, dagbókarskrifum og sjálfsprófi.
Áfanginn er verklegur. Nemendur þurfa að vinna sjálfstætt en geta fengið mikla leiðsögn óski þeir eftir því. Lögð er áhersla á að nemendur mæti jafnt og þétt yfir alla önnina og byggist námsmat á því. Áfanginn er próflaus.