Áfanginn fjallar um geðheilsu og geðræn vandamál. Fjallað er um almennt geðheilbrigði og geðrækt. Lögð er áhersla á að nemendur átti sig á samspili líkamlegra og andlegra þátta í tengslum við geðheilbrigði og þróun geðraskana. Nemendur kynnast leiðum til að verjast streitu og taka á afleiðingum hennar. Einnig er fjallað um geðraskanir, flokkunarkerfi geðraskana og helstu meðferðarúrræði við þeim. Nemendur afla sér upplýsinga um geðheilsugæslu og þá meðferð sem er í boði á Íslandi. Meginmarkmið áfangans er að nemendur öðlist skilning á geðheilsu, geðrækt og eðli geðraskana svo þeir skilji hvernig þeir geta tekið ábyrgð á eigin geðheilbrigði.
SÁLF2ÞS05
Nemandi skal hafa öðlast þekkingu og skilning á:
helstu einkennum áfalla og streitu.
geðheilsu og geðröskunum.
viðurkenndum flokkunarkerfum geðraskana og geti greint einföld, dæmigerð tilfelli samkvæmt þeim.
helstu meðferðarformum og úrræðum, hugmyndafræði þeirra og aðferðum.
hvernig viðhorf til geðraskana og meðferð þeirra hefur breyst.
aðbúnaði og möguleikum einstaklinga með geðraskanir í samfélaginu.
lagalegum og siðferðilegum reglum sem gilda um meðferð persónuupplýsinga.
helstu hugtökum og kenningum geðsálfræðinnar
framlagi geðsálfræðinnar innan sálfræðinnar og til samfélagsins.
Nemandi skal hafa öðlast leikni í að:
greina helstu streituþætti sem koma upp í daglegu lífi.
nýta aðferðir við að minnka eða fyrirbyggja streitu í sínu daglega lífi.
miðla þekkingu sinni á eðli geðraskana.
setja sig í spor fólks sem á við geðræn vandamál að stríða.
lesa í einföld geðræn vandamál á grundvelli greiningarlykils út frá atferliseinkennum.
beita sálfræðilegum meðferðarúrræðum á ímyndaðar dæmisögur.
miðla sérhæfðri færni með því að beita almennum og sértækum vinnubrögðum, verkfærum og aðferðum.
afla sér heimilda og upplýsinga á sviði afbrigðasálfræði, greina þær og setja í fræðilegt samhengi.
nýta fræðilegan texta á íslensku og erlendu tungumáli.
miðla fræðilegu efni skýrt og skilmerkilega í ræðu og riti.
Nemandi skal geta hagnýtt þá almennu þekkingu og leikni sem hann hefur aflað sér til að:
auka hæfni sína til að vinna með fagaðilum á sviði geðheilbrigðis og félagsþjónustu sem metið er með leiðsagnarmati.
lesa í raskanir tilkomnar vegna áfalla og benda á úrræði fagaðila sem metið er með umfjöllun nemanda um eðli áfalla.
átta sig á margbreytileika og alvarleika ólíkra geðraskana með tilliti til áhrifa á daglegt líf sem metið er með umfjöllun nemanda um efnið.
vera meðvitaður um mótunaráhrif umhverfis, erfða og ýmissa áhrifaþátta á þróun geðraskana sem metið er með persónulegri ígrundun.
auka velferð sálarlífs skjólstæðinga með því að tileinka sér ákveðin lífsstíl sem metið er með leiðsagnarmati.
móta eigið geðheilbrigði til að verða hæfari þátttakandi í nútímasamfélagi sem metið er með persónulegri ígrundun nemenda eftir hvern verkþátt.
nota upplýsingaöflun á hagnýtan hátt til að leysa verkefni sem metið er með sjálfsrýni.
átta sig á mikilvægi heilbrigðra lífshátta með tilliti til geðheilbrigðis sem metið er með umfjöllun nemanda um einstök verkefni.
lesa í raskanir tilkomnar vegna efnamisnotkunar og benda á úrræði fagaðila. Metið er hvernig hann notar og rökstyður notkun grunnhugtaka sálfræðinnar.
taka gagnrýna afstöðu til álitamála innan afbrigðasálfræðinnar. Metið er hvernig hann notar og rökstyður notkun grunnhugtaka.
meta á gagnrýninn og uppbyggilegan hátt eigið vinnuframlag og annarra í verkefnavinnu sem er metið með sjálfsrýni..
meta eigin frammistöðu og annarra á gagnrýninn hátt sem metið er með sjálfsrýni og jafningjamati.
taka þátt í rökræðum um málefni sem tengjast sálfræðinni. Metið er frumkvæði nemenda að gerð eigin verkskipulags í einstökum þáttum áfangans.