Áfanginn er bóklegur og fjallar um fræðilega þætti heilsulæsis, líkamsþjálfunar og heilsueflingar. Í áfanganum er farið yfir almenna þjálffræði tengda upphitun, þol-, styrktar-, og liðleikaþjálfun. Fjallað er um mikilvægi næringar, áhrif umhverfis og menningar á heilsu, hreinlæti, kynheilbrigði og fleira sem tengist því að auka heilsulæsi einstaklingsins og ábyrgð hans á eigin heilsu. Auk þess er fjallað um heilsu á víðtækan hátt og forvarnagildi hreyfingar og heilbrigðs lífsstíls.
engar
Nemandi skal hafa öðlast þekkingu og skilning á:
þeim þáttum sem hafa áhrif á heilsu okkar
mikilvægi andlegrar, félagslegrar og líkamlegrar vellíðunar
hvernig nemandi getur haft áhrif á þá þætti sem stjórna eigin vellíðan
mikilvægi þess að byggja upp virðingu fyrir sjálfum sér og öðrum með því að rækta líkama sinn og sál
áhrifum umhverfis og menningar á hugmyndir fólks um heilsu og heilbrigði
mikilvægi upphitunar, úthalds- styrktar- og liðleikaþjálfunar
mikilvægi réttrar líkamsbeitingar
Nemandi skal hafa öðlast leikni í að:
temja sér hollt og gott mataræði
nota heilsulæsi til að efla og viðhalda góðri andlegri og líkamlegri heilsu
skipuleggja eigin þjálfun
Nemandi skal geta hagnýtt þá almennu þekkingu og leikni sem hann hefur aflað sér til að:
styrkja jákvæða sjálfsmynd með þátttöku í almennri heilsurækt, leikjum og útiveru
skilja gildi samvinnu í leik og keppni
nýta upplýsingar á netinu er varða heilsusamlegan lífsstíl, jákvæða sjálfsmynd og geðheilbrigði
sýna öðrum virðingu við leik, nám og störf
skipuleggja fjölbreytt verkefni sem snúa að alhliða hreyfingu, líkams- og heilsurækt
tileinka sér hollar og fjölbreyttar fæðuvenjur
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.